Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
⚖️ «Заң үстемдігі» YouTube арнасының қонағы - бағдарламасының қонағы – Ешпанова Жанар Баймұратқызы, Астана қаласының кәмелетке толмағандардың істері жөніндегі мамандандырылған ауданаралық сотының судьясы. Бұл сұхбатта кәмелетке толмағандарға қатысты қылмыстық істер, олардың себептері, ата-аналардың жауапкершілігі және құқықтық реттеу мәселелері жан-жақты қарастырылды. Қазіргі қоғамда жасөспірімдер арасында орын алатын құқық бұзушылықтар мен қылмыстық әрекеттердің саны артып келеді. Олардың ішінде жыныстық қол сұғушылық, жеткіншектер арасындағы төбелес, буллинг, мектептегі зорлық-зомбылық және кәмелетке толмағандар жасаған ауыр қылмыстар бар. Бұл жағдайлар ата-аналардың балаларына ерекше көңіл бөлуі қажеттігін көрсетеді, Әсіресе, жеткіншектің тәрбиесіне, ортасына және психологиялық жай-күйіне мән беру маңызды. Судья Жанар Баймұратқызының айтуынша, көптеген ата-аналар өз балаларының шынайы мінез-құлқын, кіммен араласатынын, қандай ортада жүргенін білмейді. Кейбір жағдайларда ата-аналар бала бойындағы өзгерістерді байқамай, олардың дұрыс емес жолға түсуіне себепші болады. Бағдарлама барысында сот тәжірибесінен нақты мысалдар келтіріліп, қоғамда үлкен резонанс тудырған оқиғалар талқыланады. Кәмелетке толмағандарға қатысты қылмыстар: жыныстық қол сұғушылық, оқушылар арасындағы қақтығыстар, мектеп қабырғасындағы зорлық-зомбылық жан-жақты талданды. Сұхбатта кәмелетке толмағандар арасындағы құқық бұзушылықтардың алдын алуда қандай шаралар қолдану керектігі, ата-аналарға ой салу мақсатында нақты мысалдар келтірілді. Толық нұсқасын "Заң үстемдігі" YouTube арнасынан көре аласыз! ⚖️ «Заң үстемдігі» бағдарламасы. Бағдарлама жүргізушісі – Нұргүл ҚАРАҒОЙШИНА
