Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Құрметті қауым, "Рухани жаңғыру" бағдарламасының "Ұлттық бірегейлікті сақтау" бағыты бойынша "Дала фольклоры мен музыкасының мың жылы" арнайы жобасының аясында "Сағындырған әндер-ай" атты 60-80 жылдардағы әндерді тыңдауды ұсынамыз. Аталған шарамызды "Бар қазақты тамсандырған, таңнан таңға ән салдырған" ән падишасы Шәмші Қалдаяқовтың "Ақмаңдайлым" әнімен бастаймыз. Бұл әнді композитор жан жары Жәмилаға арнаған. Роза Бағланованың дауысына негізделіп жазылған "Ақмаңдайлым" әні туралы Сәбит Мұқанов "осы әнді неше жасыңда шығардың?" деп сұрапты. Жиырма алты - жиырма жеті жасында шығарғанын білдіріп, "Жарайсың, отызыңда орда бұзған екенсің" деп риза болған екен. Мұзафар Әлімбаевтың сөзіне жазылып қазақ даласының түкпір-түкпірінде әнсүйер қауымның жүрегінде жатталған осынау әнді Қарқаралы мәдени-сауық орталығының қызметкері Кәмшат Досжанованың орындауында ұсынамыз.
