Ацо Шопов: "Ветрот носи убаво време" // Aco Šopov: "Vetrot nosi ubavo vreme" (1957)

Ветрот носи убаво време* Ветрот носи убаво време. Вилнее, јачи во нас. Ветрот носи убаво време. Убавото е убаво и поминува. Останува тагата. Понекогаш она нè обзема полека, легнува на нашите очи, и густо напластена погледот ни го смрачува. Тогаш нешто страшно тегобно и болно, нешто големо и наше, непојмливо за другите нè измачува. Но некогаш тагата нè докоснува како трепетлика, како измаглина над жуберлива река крај која стоиме загледани бесцелно и немо. Тогаш сите предмети прилегаат на сказна па велиме: невозможно, колку е сè убаво. Ветрот вилнее и јачи. Ветрот носи убаво време. од истоимената збирка (1957), првпат објавена во Современост, VII, 8, 1957. *** Audio zapis od emisijata « Igraj so mene » 28.04.2012: Makedonsko radio, Radio Skopje. Avtori: Zdenko Petrovski, Biljana Nikolovska i Sofija Gogova Vrčakovska. Video montaža: Leonardo Džoni-Šopov Čita : Sofija Gogova Vrčakovska