Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Қазақта елге сіңірген ерен еңбегімен халық жадында сақталған хан да, би де, батыр да көп. Алайда, әулиелігі мен емшілі, батырлығы мен көріпкелдігі тең түскен Құлболды батыр Шуманақұлының ұлт тарихынан алар орны ерекше. Әулиенің бойында ғайыптың 7 оғы, жаудан қорғайтын алмажайы болған деседі. Деректерге сүйенсек 90 жасында о дүниеге қайтқан. Асыл сүйегі Ақмола облысы Ерейментау ауданының аумағындағы Жолбасшы деген ауылдың маңында, Ақмырза өзенінің жанында жерленген. Басында кесенесі тұр. Оны 1999 жылы осы Құлболдының 6 баласының біреуі Шегір-Қабыланнан тарайтын Марат Тәйкенов деген азамат салды.
