Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Бүгін біздер Алматы облысының су астында мекендейтін тіршілік иесіне саяхатқа шығатын боламыз. Оңтүстік Шығыс Азиядан заңсыз ауып келген жыланбасбалықтар біздің өңірімізде осыдан 7-8 жыл бұрын пайда болды. Ал Сырдария өзеніне одан бұрын келіп, өзінің іс әрекетін еркін істей бастады. Ал тарихи мекені Ветнам, Тайланд, Камбоджа, Бирма секілді мемлекеттерде бұл балық нағыз деликатес саналады. Европа мен Америка мейрамханаларындағы шығыс ас мәзірінде жыланбасбалыққа сұраныс жоғары. Етінің бағалылығы батыс елдерге экспортталуға дейін жетті. Тірідей алып өту әрине рұқсат етілмеген. Көп балықтар су астында осы бір жыртқышпен тайталасалмайды. Жыланбас балықтар кез-келген ортаға еркін сіңіп, өмірін жалғастыра береді. Балық сусыз жерде бірнеше сағатқа дейін шыдайды, ал суы таяз көлшіктерде барынша тіршілікке ұмтылады. Тістері өткір жыланбас балықтар жыртқыштар санатында.
