Ол дьикти таастар Өймөкөөн улууһугар Сордоҥноох нэһилиэгэр аакка-суолга киирбит, ырыаҕа –тойукка ылламмыт Индигир үрэх эбэбит таастара буолаллар. Арҕааттан тымныы тыал аргыйбат, хотуттан холорук холбоспот, илинтэн тахсар күн сарыала сылаастык сыдьаайар, соҕурууттан халыҥ ойуур хаххалыыр, итиитинэн илгийэ кууhа турар эбиитин сырдык, дьэҥкир уулаах үрэх кылыгырыы сүүрэн кыhыннары кыстатар толору уулаах дьонун-сэргэтин утахтарын ханнаран күн бүгүнүгэр диэри аhата-сиэтэ сытар. Айылҕа тааһа сир энергетикатын тэҥниир диэн науканан бэлиэтэммитэ. Хас биирдии тааска магическай күүс баар. Айылҕа тааһа-оҥоһуга-сир историята уонна биллэн турар, киһи өр сылларга олорбут олоҕун кэмэ-кэрдииhэ буолар. Индигир үрэҕин тааһа күүстээх энергетикалааҕынан биллэр. Киһи уйулҕа өттүнэн энергията тиийбэт кэмигэр бу Таас эрэли, күүhү - уоҕу, эрчими, бигэ туругу биэрэр. Ытыскар ылан, тутан илдьэ сырыттахха, ыарыыны эмтиир, киһи ауратын чөлүгэр түһэрэр, киһи сиэрин- туомун тупсарар, ис туругун сөргүтэр, тас көстүүнү киэргэтэр.
