Ақтөбе облысында даңқты қолбасшы Есет батырдың 355 жылдығы аталып өтті. Айтулы мерекеге орай батырдың кесенесі мен қорымы орналасқан Бестамақ ауылының маңына киіз үйлер тігіліп, ат жарысы ұйымдастырылды. Сондай-ақ, еліміздің түкпір-түкпірінен келген қонақтар Есет батырдың ерлігін баяндайтын театрландырылған қойылымды тамашалады. Ақтөбенің топырағында ұлтымыздың тұтастығын, жеріміздің бүтіндігін сақтау үшін жанқиярлық ерлік көрсеткен талай батыр шыққан. Солардың бірі тама руынан тараған - Есет Көкіұлы. Даңқты қолбасшының есімі әсіресе жоңғар басқыншыларына қарсы күресте елге танылған. Ол халқын жаудан азат етіп, үш жүзді біртұтас мемлекетке біріктіруге орасан үлес қосқан. БАЯНҒАЛИ ҚҰЛТАЕВ, Өлкетанушы: – Бұл 1726 жылы кіші жүздің атағын елге, "кіші жүзге найза беріп, жауға қой" деген сөзді елге таратқан, бірінші болып жоңғарды жеңген. Мына біз тұрған кіші жүздің жеріне жоңғардың бір де атының тұяғы кірмеген. Есет батырдың кесенесі орналасқан жерге киіз үйлер тігіліп, негізгі шаралар өтті. Осыдан бес жыл бұрын мұнда батырдың қола мүсіні орнатылып, мемориалға жаңа жол салынды. Ақтөбе облысының әкімі Ералы Тоғжанов еліміздің тәуелсіздігі мен азаттығы үшін күрескен батырлардың ерліктерін еске алу ұрпақ парызы екенін баса айтты. ЕРАЛЫ ТОҒЖАНОВ, Ақтөбе облысының әкімі: – Қасиетті Ақтөбе жерінде керемет үлкен іс-шаралар жүріп жатыр. Оның бәрі елдікке бағытталып отыр. Есет атамыздың рухы бүкіл елді қолдасын деген ниетпен осындай шараларға бағытталып отыр. Ол артында қалған ұрпағының үлкен парызы деп қабылдау керек деп ойлаймын. АЙДАНА МЕЙРАМБАЙҚЫЗЫ, Тілші: – Мерекеге орай ұлттық ат спорты түрлерінен жарыстар ұйымдастырылды. Бәйгеге елуге жуық шабандоз қатысты. Аламан бәйгедегі бас жүлдеге тігілген автокөлікті Қобда ауданының шабандозы алса, екінші орынға тігілген 1 миллион теңге жүлдені Астана қаласынан келген шабандоз жеңіп алды. Есет батырдың 355 жылдығына орай тағы да бірқатар шара өткізілмек. «Еркіндік қыраны, шарықта» атты екі күнге созылатын республикалық ақындар айтысы соның қатарында. Айдана Мейрамбайқызы, Жомарт Құдайбергенов Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31
