Бір адамның өлімімен аяқталған, қаншама адамның төсекке таңылуына себепші болған Алматыдағы Ақкент тұрғын үй кешеніндегі өрттің нақты себебін жауапты органдар әлі анықтаған жоқ. Себебі оның бүге-шігесін анықтау үшін уақыт қажет. Дегенмен пәтерден емес, жеделсатыдан шыққан өрттің таралуына электр желілерінен кеткен кінарат себеп болуы мүмкін, өйткені, өрт болардан біраз бұрын үйдің электр жарығы бірнеше рет өшіп қалғанын айтып, жергілікті тұрғындар КСК-ға шағым қалдырған екен. Жарықтың нақты қанша рет, қашан өшкені есімде емес, бірақ бірнеше рет өшіп қалғаны анық, деп бүгін түтінге тұншығып, өрт кезінде биіктен секіріп қайтыс болған Әселдің әкесі сұхбатында айтты. 33 жастағы Әсел Бекмұхаметованы бүгін ақтық сапарға шығарып салған марқұмның жақындары ресми органдар таратып жатқан ақпараттарда жаңсақтық бар, құтқару қызметі кешікпей келгенде, қызымыздың аман қалуы мүмкін еді дейді. Сол күні Әселмен бірге секіріп кеткен марқұмның әпкесі Айжанды бүгін ақ халаттылар жансақтау бөлімінен жалпы палатаға ауыстырды. Қара түтін тұншықтырып, жандалбасалаған тұрғындардың терезеден секіріп, оларды құтқару үшін көршілері, сол маңайдағы азаматтар кілем көтеріп жүгіріп жүргенін көрдіңіздер. Неге оларды құтқаруға қажет төсеніштер құтқару қызметінде болмады? Болса, неге қолданылмады? Бір күннен кейін «Сәл күте тұрғанда, құтқарушылар баратын еді» деп сұхбат берген төтеншеліктер, оқиға орнында дыбыс ұлғайтқыш құралдарымен құтқару қызметі мен кілем көтеріп, биіктен секіргендерге кілемін көтере жүгіріп жанталасқан елді неге бірге басқара алмады? Бұл сауалдарды Алматы қаласы төтенше жағдай департаментіне жолдадық. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
