16 маусым - Халықаралық Әкелер күні болып бекітілді. Бұл мереке асқар тау әкелерге деген сүйіспеншілік пен махаббатты білдіретін ерекше мереке. Осыған орай Ақмола облысы Ішкі саясат басқармасының «Қоғамдық даму орталығы» КММ, Ақмола облыстық және қалалық «Әкелер Одағы» ҚБ бірлесе отырып әкелер құрметіне «Жапырағын жайған бәйтерек» атты танымдық іс-шарасын өткізді. Іс - шара мақсаты: Өскелең ұрпаққа отбасы құндылақтарын насихаттау. Балаларға ұлағатты тәлім – тәрбие беру қағидаларын ұғындыру. Тағылымды шараға Ақмола облысы «Әкелер Одағы» РҚБ филиалының төрағасы Ерлан Зәкіриянов, Көкшетау қаласындағы «Әкелер Одағы» РҚБ филиалының төрағасы Бегзан Алмасбег, Ақмола облысы Ішкі саясат басқармасының «Қоғамдық даму орталығы» КММ-нің ұйымдастыру-жобалау бөлімінің басшысы, тренер Рысты Абдрахманова, Қазақстан халқы Ақмола Ассамблеясы Аналар кеңесінің төрайымы Айнұр Жахина, Көкшетау қаласы «Аналар кеңесінің» төрайымы Найля Сейдалина, Ақмола облысының кәмелетке толмағандардың істері жөніндегі мамандырылған ауданаралық сотының судьясы Мақсат Ақышев, Көкшетау қаласы ПБ ювеналдық полиция бөлімшесінің бастығы, полиция майоры Серік Құрмангожин спикер ретінде қатысып, баяндама жасады. Игі шараның модераторы: Зеренді ауданының Мәдениет және тілдерді дамыту бөлімі жанындағы «Тілдерді оқыту орталығы» КММ басшысы, Зеренді ауданы «Әкелер Одағының» төрағасы, Зеренді ауданы «Қазақ тілі» қоғамының төрағасы - Сәндібек Нұршәріпұлы болды. Жиын барысында отбасындағы әкенің алатын орны жайлы сөз қозғалды. Қатысушылар тарапынан спикерлерге тәрбиеге байланысты сұрақтар қойылып, тұшымды жауаптар алынды. Танымдық шара соныңда спикерлерге Ақмола облысы Ішкі саясат басқармасының «Қоғамдық даму орталығы» КММ басшысы Айдар Қожабаев және Ақмола облысы «Әкелер Одағы» РҚБ филиалының төрағасы Ерлан Зәкіриянов Алғыс хаттар табыстады. «Әкең барда орындалар арманың» дегендей, өмірдегі керегіңді алдымен бір Алла, екінші әкең берері анық. Сол себептен асқар таудай әкелеріміз аман болсын!
