“Аппақсың ғой, қаның аз шығар” дегенді жиі естисіз бе? Онда қан аздықтың нақты белгілерімен бірге танысайық. Анемия адам қанында эритроциттер азайған жағдайда туындайды. Ол анализде төмен гемоглабин арқылы көрінеді. Әдетте адам анемиямен ұзақ жүрсе белгілері байқала бастайды. Көз қарауытып, бас айналады, жүрек соғысы жиілейді. Бас сақинасы ұстап, ауырады. Қол-аяқтың үнемі салқын болуы да қан аздықтан хабар береді. Тері бозарады. Ал балаларда өсуіне қатысты мәселелер туындайды. Мамандар терінің аппақ болуы мен қан аздықтың арасында байланыс барын айтады. Бірақ анық-қанығына көз жеткізу үшін анализ тапсыру керегін ұмытпаңыз.
