52-МЕКТЕПТІҢ 40-ЖЫЛДЫҚ КЕЗДЕСУ КЕШІ

Құрметті 40 жылдық түлектер! Сіздерді алтын ұя мектебіңізді аяқтап, өмір жолына қадам басқаныңызға 40 жыл толуымен шын жүректен құттықтаймыз! Бүгін – мектеп партасында бірге отырып, арман-мақсатпен қатар ұшқан достармен қайта қауышатын, жүрек тебірентер ерекше сәт. 40 жыл – бір адамның ғұмырына пара-пар уақыт. Осы жылдар ішінде әрқайсысыңыз өз жолдарыңызды тауып, елге еңбегі сіңген азамат, аяулы ана, ардақты әке атандыңыздар. Туған мектебіңіздің табалдырығын қайта аттау – балалықтың бал күндеріне сапар шеккенмен бірдей. Қайта қауышқан жүздерден жылулық, көздерден қуаныш сезіледі. Бұл кездесулер – жүрекке демеу, өмірге шаттық сыйлайтын шынайы қуаныш. Тілек ретінде: ✅ Дендеріңізге саулық, жанұяларыңызға амандық, ✅ Жүздеріңізден күлкі, жүректеріңізден шаттық кетпесін, ✅ Жас буынға үлгі болып, жастарыңыз ұлғайса да, рух-жігерлеріңіз жас күйінде қалсын! 40 жылдық кездесу құтты болсын! Мол бақыт, баянды ғұмыр тілейміз! Ізгі ниетпен, “Хантөре студиясы”