VIDEO
27 август куни Ўзбекистон кубоги чорак финали ҳисобидан яна 2та ўйин ўтказилди. «Динамо» ўз майдонида «Шўртан»ни енгилгина маҳв этган бўлса (3:0), «Бухоро» Тошкентда «Бунёдкор»ни 4:2 ҳисобида енгиб, қайсидир маънода сенсация тортиқ қилди. Шу тариқа Самарқанд ва Бухоро клублари «Пахтакор» ҳамда «Сўғдиёна» ортидан ярим финалга йўл олди. Шундан сўнг қуръа орқали ярим финал жуфтликлари аниқланди. Унга кўра, Андижон финали йўлида «Бухоро» ва «Сўғдиёна» ҳамда «Пахтакор» ва «Динамо» қарама-қаршиликларига гувоҳ бўламиз. «СЎҒДИЁНА» — «НАВБАҲОР» - 4:0 (1:0) 25 август. Жиззах. «Сўғдиёна» стадиони. 5150 томошабин. Голлар: Рубин Хебай (5, 56), Жавоҳир Қаҳрамонов (84, 90+2). «Сўғдиёна» ўз тарихида учинчи маротаба Ўзбекистон Кубоги ярим финалига чиқди. Жиззахликлар дастлаб 1995 йилги мавсумда чорак финалда «Нурафшон» (Бухоро) устидан техник ғалабага эришиб, финал йўлланмаси учун Тошкентнинг МҲСК клубига таслим бўлганди. 2022 йилги мавсумда эса «Сўғдиёна» 1|4 босқичда пенальтилар сериясида «Қизилқум»ни ютиб, ярим финалда «Навбаҳор»га таслим бўлганди. «Сўғдиёна» Ўзбекистон Кубоги баҳслари доирасида «Навбаҳор»ни 20 йилдан сўнг енгишга муваффақ бўлди. Жиззах клуби охирги маротаба бундай натижани 2005 йил қайд этган эди. «Навбаҳор» 8 йил бадалига илк марта ўз дарвозасидан 4 та тўп олиб чиқди. «Лочинлар»охирги маротаба 2017 йил қаршида «Насаф»га 0:4 ҳисобида имкониятни бой берганди. «ПАХТАКОР» — «МАШЪАЛ» - 3:1 (3:0) 26 август. Тошкент. ЖАР стадиони. 1054 томошабин. Голлар: Фламарион (10, 45), Игор Сергеев (45+4) - Ҳумоюн Муртозаев (84 пен). «ДИНАМО» — «ШЎРТАН» - 3:0 (2:0) 27 август. Самарқанд. «Динамо» стадиони. 8705 томошабин. Голлар: Фирдавс Абдураҳмонов (18), Аброр Тошқўзиев (38-авт.), Жаҳонгир Ўрозов (78). «БУНЁДКОР» — «БУХОРО» - 2:4 (1:2) 27 август. Тошкент. «Жар» стадиони. 1041 томошабин. Голлар: Нажмиддин Нормуродов (12), Матия Кривокапич (55) - Азиз Амонов (6), Тома Табатадзе (37, 68-пен.), Франье Икич (87). ЯРИМ ФИНАЛ 25 сентябрь (пайшанба) «БУХОРО» - «СЎҒДИЁНА» «ПАХТАКОР» - «ДИНАМО»
