Шерзаттың анасы "аяусыз тепкілеп, пышақ сұғып өлтірген қаскөйлер өмір бойына сотталсын" деп отыр
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Алматы облысы Талғар қаласында бір топ азаматтың қолынан өлген 16 жастағы Шерзат Болаттың анасы "көз алдымда ұлымды аяусыз тепкілеп, пышақ сұғып, басынан мылтықпен ұрып жер жастандырған қаскөйлер өмір бойына сотталсын" деп отыр. Ал "қылмысқа қатысы барлар түгел ұсталмады" деп шырылдаған әкесі аудандық полицейлердің істі салғырт қарап жатқанын айтып шағымдануда. Сөздерінше, құзырлы органдағылар бозбаланың өліміне себеп болғандардың кейбірінен тек сұрақ-жауап қана алып, үйлеріне жібере салған. Айта кетсек, қылмысқа қатысты қазір 7 адам күдікті ретінде уақытша қамауда отыр. Тақырыпты әріптесім Оразай Нұртайұлы жалғастырсын. Бір бөтелке сыраға бола басталып, соңы жеткіншек өліміне әкелген жанжал қазанның 3-нен 4-не қараған түні болған. Шерзаттың әкесінің айтуынша, беймезгіл уақытта дүкенге аласұрып кірген екі адам іште жанжал шығарып, алған ішімдіктерінің ақшасын төлегісі келмеген. Айбат шегіп, сөзге көнбеген соң 16 жастағы балам біреуінің тұмсығынан ұрды дейді. ОРАЗАЙ НҰРТАЙҰЛЫ, тілші: Тұңғышынан айырылған ата-ананың айтуынша, бір бөтелке сыраның ақшасын төлемей кеткен азаматты 16 жастағы Шерзат дәл осы дүкен алдында тоқтатқан. Бірақ әлгі адам жеткіншекті балағаттап, сабырға келмеген. Содан әңгіме ушығып, сыра ұстаған ер адам достарын шақырыпты. Анасының сөзінше, олар 3 көлік болып қасқағым сәтте келе қалған. Әкесінің айтуынша, қоңыраудан соң 13 адам қолдарына пышақ пен мылтық ұстап келген. Олар бозбалаға бірден жабыла кетіп, қуалап жүріп соққының астына алды дейді. Сөзінше ешкімге араша түсуге мүмкіндік бермей, анасы мен әжесінің көзінше жеткіншекті бірнеше жерден пышақтап, тепкінің астына алып, мылтықпен басынан аяусыз соққан екен. Баланы қорғаштаған ағасын да суық қарумен ұрып, жерге жықты деп отыр. ГҮЛБАРА БИШЕНБИЕВА, ШЕРЗАТ БОЛАТТЫҢ анасы: Менің шырылдағаныма, "Мен анасымын ғой. Қойыңдар!" дегеніме қарамады. Олар қорықпайды ештеңеден. Қанышерлер! Әрқайсысы сотталсын. Өмір бойына немесе 20-25 жылға кетсе екен деймін. Әкесінің сөзіне сенсек, оқиға орнына полицияны шақырғанда олар келмеген. Жедел жәрдем де жетіп болмады дейді. Содан жарақат алған екі адамды жақындары ауруханаға өздері апарыпты. 16 жастағы жеткіншек сол жерде көз жұмған. Марқұмның туыстары бүгінде істің салғырт тергеліп жатқанына наразы. Олар Талғар ауданының тергеушілері іспен толық таныспай жатып, куәгерлерді қысымға алды дейді. ҚАРЖАУБАЙ НҰРЫМОВ, ШЕРЗАТ БОЛАТТЫҢ әкесі: Келе салып, менің әйелімнен сұрайды мән-жайды куәгер ретінде. Ал маған "сіз қылмыскер ретінде тергелесіз" дегендей әңгіме айтып отыр. Мен үндемедім де, әйелімді алып шығып кеттім. Ал полиция департаментінің хабарлауынша, жеткіншектің өліміне қатысты іс енді Талғар ауданында емес, облыс деңгейінде тергеледі. Бүгінде өзге азаматтардың да қылмысқа қатысы бар-жоғы тексеріліп жатыр. СЕРІК ШАЛХАРОВ, Алматы облысы полиция департаменті бастығының орынбасары: Оның барлығы зерделеніп бітіп, тергеу амалдары жүріп әрқайсысына заңды шешім қабылданатын болады. Қылмыстық іс бойынша 7 адам күдікті ретінде абақтыға қамалды. Олар соттың санкциясымен 2 айға қамалды. Әділдік іздеген ата-ана енді заңгерлерге жүгініп отыр. Олар қайткен күнде Шерзаттың өліміне қатысты адамдар түгел жазаланбайынша жанымыз жай таппайды дейді. ------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
