нашақорлық проблемасы әлемдік қоғамдастыққа өзекті мәселе

Әлем бойынша қазіргі уақытта нашақорлық проблемасы әлемдік қоғамдастыққа өзекті мәселе болып қалуда және оның салдары ретінде жастар арасында есірткіні пайдаланумен байланысты барлық елдер үкіметтерінің алаңдаушылығын арттырып отыр. Шу ауданы бойынша нашақорлыққа және есірткі бизнесіне қарсы күрестің 2024 жылдарға арналған облыс әкімінің тапсырмасына сәйкес аудан аралық прокуротурасының үйлестіруімен «Дельта-Долина» қызметкерлерінің қатысуымен салалық бағдарламасын орындау мақсатында Шу ауданындағы қара сора өскен алқаптарын жою мақсатында жұмыстар жүргізілуде. Осындай атқарылып жатқан жұмыстардың басында Шу ауданы әкімінің орынбасары Бақыт Бетбаев бастаған ауылдық округтерден 100 ге тарта жұмысшылар тартылды. Атап айтсақ арнайы жұмысқа 4 роторлық шөп шабатын тракторлар мен ауыр жүк көліктері жұмылдырылды. Өткен жылмен салыстырғанда 2023 жылы 175 гектар алқап жойылып одан 105 тонна есіркі жойылған болатын.Ал, үстіміздегі жылға аптасына екі мәрте қара сора шабу жұмыстары жүргізіліп келеді. «Дельта-Долина» аудан аралық есірткі қылмысына қарсы іс-қимыл бөлімі Жамбыл облысының 5 ауданында қызмет атқарады. Атап айтсақ, өзіміздің Шу, Меркі, Қордай, Мойынқұм, Т.Рысқұлов аудандары. Жалпы облыс аумағында 62 057 га. жабайы қарасора өседі. Соның 12 293 га. (41 жер телімінде) Шу ауданына қарасты. «Дельта-Долина» ЕҚҚКжАБ 2024 жылдың 6 айында Шу ауданы бойынша есірткі қылмысының 28 фактісі тіркелді (2023 жылы – 16). Оның ішінде: Аса ірі мөлшерде есірткіні сақтау – 9 факт (2023 ж.-9) Есірткіні өткізу – 7факт (2023 ж.-1) Есірткімен байланысты басқа да қылмыстар –6 (2023ж.-6) 2024 жылдың басынан бүгінгі күнге дейін қызмет көрсету аймағында заңсыз айналымнан 99 кг 479 (2023 ж. – 60 кг. 319гр.) әр түрлі есірткі заттары тәркіленген. Өсетін жабайы қарасораны жою және есірткі қылмысына қарсы күресу мақсатында 2024 жылға Шу ауданы әкімі аппаратына 8 мың литр дизельдік отын (солярка) алуға2 млн 360 мың теңге қарастырылды.