Назарбаетың суперпрезиденттік саяси жүйесі бұзылды

Сенаты жоқ, серігі жоқ, мәжіліс қайтып күн көрер? Президент Қасым-Жомарт Тоқаев  осы апта басындағы жолдауында елдің саяси-жүйесі үшін сенсацияға бергісіз мәлімдеме жасады. Еліміздегі билік жүйесінің бір тармағы заң шығарушы орган десек, қос палатадан құралған парламенттің енді бір қанаты қысқарып, бір палаталы парламентке айналмақ. 1995 жылға дейін, тәуелсіздігіміздің бастапқы жылдарында парламентте бір ғана палата болып еді ғой, Жоғарғы кеңес, бұның несі сенсация деуіңіз мүмкін. Бірақ 30 жыл болды, мәжіліс пен сенат қол ұстасып қатар жұмыс істеп келеді. Бұл бір құдды қатып семіп қалғандай әсер қалдыратын тоңмойын саяси жүйеге ендігіде үлкен сілкініс әкелетіндей. Мүмкін, әкелетін де шығар? Қандай өзгеріс күтеміз Тәуелсіздіктің алғашқы 4 жылында Жоғарғы кеңесте, демократия болып еді дейді көз көргендер. Енді сол демократияның демі қайта ашыла ма Кешелі бері еліміздің ақпарат айдынының басты тақырыбы осы бір палаталы парламент туралы әңгіме. Біз де бес тиынымызды қыстыра отырып, осы мәселеге қатысты біраз жайды саралап  көрейік.  Ал сіз патша көңілді көрермен, шайларыңызды демдеп, ден қойсаңыздар бастайық.