Абай ауылы - 40 жыл. Ашылу салтанаты.

Абай — Қарағанды облысы Ақтоғай ауданындағы ауыл, Абай ауылдық округі орталығы.Қаршығалы, Қусақ өзендерінің аңғарында, Желтау тауының оңтүстік-шығысында, аудан орталығы – Ақтоғай ауылынан оңтүстік-шығысқа қарай 70 км-дей жерде орналасқан. Ауыл маңы – ұсақ адырлы жазық.Округ аумағында 1930-32 жылдары Таң, Бидайық ұжымшарлары болған. 1984 жылы «Нарманбет», «Шұбартау», «Айыртас» кеңшарлары негізінде Абай атындағы кеңшар және ауылдық кеңес болып құрылған. Жерінің жалпы ауданы — 265,2 мың га. Шаруашылықтын мамандандырылған негізгі бағыттары — қой шаруашылығы, қосымша ірі қара, жылқы өсіру болды. Округ Ағашкөл, Тасқын елді мекендерін қамтиды. Кеңшар негізінде 26 шаруа қожалығы құрылған.Мектеп, фельдшерлік-акушерлік пункт, мәдениет үйі, кітапхана басқа да мәдени-тұрмыстық мекемелер бар. Ауыл басқа елді мекендермен автомобиль жолдары арқылы байланысады. Ең жақын Балқаш темір жол стансасы 165 км жерде.