Жасуланның куәлігі

Кішкентай кезімнен бастап ата-анам мені Исаның тәліміне сай тәрбиеледі. Мен өзімді Мәсіхші отбасында өскен соң шынайы сенушімін деп ойладым. Жексенбі жиналысынан қалмауға тырысатынмын, себебі мектепке қарағанда, сенуші достарыммен Киелі кітап оқып, қызықты ойындар ойнаған мен үшін өте қызықты болды. Уақыт зымырап өте берді. Балалық шақты тастап, есейдік. Оқуды бітіріп жоғары оқу орнына түстім. Міне, енді нағыз өмір басталды. Қасқырлар арасына түскен өзімді момын қой секілді сезіндім. Осы кезден бастап менің өмірімде жаңа қадамдар басталды. Себебі студенттік өмірдің қызығы мен шыжығын көрдім. Бірақ уақыт өте келе Исаны жақыннан таныматынымды түсініп жеттім. Неге дейсіз бе? Сенуішілер арасында мен қиындық көрмеппін. 2002 жылдан бастап Құдай менің жан-дүниемде Өз жұмыс істей бастады. Оқуда, жұмыста, қайда жүрсемде Құдай мені тастаған жоқ. Осылай уақыт өте келе 2013 жылы мен қатты сырқаттанып ауруханаға түстім. Бұлай боларын мен күтпедім. Маған ота жасар алдында Құдайға қатты жармастым. Иеме былай деп мінажат еттім: «Құдайым, менің өмірім Сенің қолыңда. Иә, мен күнәкармын. Менің күнәларымды кешіре гөр. Маған қол ұшыңды созіп, құдіретіңмен мені сауықтыршы, егер сауықтырсаң Саған өмір бойы қызмет етемін» деп жалбарындым. Құдай Иса Мәсіх Өз құдіретімен бұл аурудан сауқытырып, жеңіс алып берді. Ота сәтті өтті. Уақыт өте ота орны бітіп, сауықтым. Бірақ, көп күн өтпей, мен Құдайға берген уәдемді естен шығарып, бұрынғы өміріміе қайта оралдым. Тәни өмірге. Бала кезде жиналысқа асықсам, есейе келе бұл өмірдің қызығы мені өзіне баурап алды. Машина, бизнес, жайлылық, т.б. байлыққа қол жеткіземін, содан соң Құдайға қызмет етемін деген ой келді. Егер менің жағдайым жақсы болса, сенушілерге қаржылай көмкетесемін деп, өзімді іштей жұбатумен болдым. Осылай өз жағдайымды дұрыстаймын деп жүріп, Алматы қаласына жұмыс бабымен жолға шықтым. Шамамен түнгі 4:20 аралығында көзім ілініп кетіп, жол апатына түстім. Осы қас-қағым сәт аралығында бүкіл өмірім көз алдымнан зулап өте шықты. Құдайға берген уәдем ойыма сап ете түсті. Есімді жинап, өзіме келгенімде жүрегімді бір қорқыныш баурап алғандай болды. Мен өлуге дайын емеспін! Тап осы сәттен бастап, мені Рухани өмірімде түбегейлі өзгерістер орын алды. Құдай осындай жолдармен менің Оған берген сертімді есіме түсірді. Иса мәсіхсіз мен ешкім емеспін. Исамен өмір сүру ол – бақыт. «Себебі - Мәсіх менің өмірім, ал өлім мен үшін ұтыспен тең» Філ. 1:21. Расында да мен өмір сүрсем де, өлсем де, Мәсіх үшін өмір сүремін. Құдайдың аты әрқашан мадақталсын. Себебі үмітіміздің бастауы тек Иса Иеміде. Өмірдегі енді менің басты мақсатым Оның еркін басты орынға қою. Ең бастысы Құдай Патшалығының қамын ойау. Құдайға берген уәдеңізді ешқашан ұмытпаңыз! Қазіргі таңда мен өзім үшін емес, Оның даңқы үшін, Ол тағайындаған орында қызмет етіп жатырмын. Бұдан артық маған ешқандай да байлықтың қажеті жоқ! «Дүниенің жарығы» қауымында мадақтау қызметін атқарамын. «Шығыс Сәулесінде» өз қызметім де бар