Жетісу облысында емхана медбикесі науқастардың атынан несие алған
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Жетісу облысында емхана медбикесі науқастардың атынан несие алған. Ол жүріп-тұруы қиын қариялардың үйінде медициналық көмек көрсетіп жүріп, зейнеткерлерді алдап фотосуретке түсіріп кредит рәсімдеген. Банкке 500 мыңнан бастап миллион теңгеге дейін қарыз болып қалған қарт кісілер сотқа жүгініпті. Алайда медицина маманы сотталғанымен берешекті әлі өздері төлеп жатыр. Сан соғып қалдық деген жандармен әріптесім тілдесіп келді. Бір шаңырақтағы қос қарияның мойнында қазір үш несие бар. Олардың атынан екі миллион теңгеге жуық кредитті ауруханадан үйге келіп ем-дом жүргізіп жүрген медбике рәсімдеген. Зейнеткерлердің айтуынша, медицина маманы әбден сенімге кірген. Бірде «жұмыс орныма сіздерге келгенімді дәлелдеуім» керек деп оларды суретке түсіріп алып, тауарлық несие алған екен. ҒАЙНИ ЖОЛАУШЫБАЙ, зейнеткер: Үйде екеуміз тұрамыз. Балалар жан жаққа жан бағу үшін жұмыс жасап кетті. Міне екеуміз тұрамыз. Қанша жоқтық көрсек те кредиттің шетіне барып 500 теңге алып көрмегенбіз ғой. Мынау сұмдық екен. Аурухана қызметкерінің кесірінен қарызға батып отырған он шақты адам бар. Медбике олардың суреттері мен жеке деректерін біріне тегін дәрі алып беремін, біріне медициналық сақтандыруға керек деп қолға түсіріпті. Әрқайсысына 500 мыңнан бастап миллион теңгеге дейін несие рәсімдеген. МҮНИРА ҚАТАШ, зейнеткер: Өзім онкологиямен ауырамын. Екі балам қайтыс болған. Осы үйде жесір келінім бар жетім балаларым бар. Ештеңем жоқ. Жалғызбасты анамын алдап маған кредитке 500 мың теңге алып кетіпті. 40 мың теңге кредит маған күнде келеді. Сонда мен неммен аламын? Сот қалай үкім шығарып отыр? Бізге қалай төлесін дейді. Сотта 41 жастағы келіншектің алаяқтық жасағаны дәлелденіп, оған үш жарым жылға бас бостандығын шектеу жазасы тағайындалған. Сондай-ақ, зардап шеккендердің материалдық шығыны 7 миллион теңгені өтеу міндеттелген. Алайда, сотталушы қазір жұмыссыз әрі атында еш дүние-мүлкі жоқ екен. Жәбірленуші тарап сот шешімінің бізге пайдасы шамалы дейді. Өйткені, барлығы әлі банк алдындағы қарызды төлеп отыр. АРМАН СЛӘМЖАНҰЛЫ, заңгер: Соттың үкімі негізінде азаматтық талап қоя алады. Ол азаматтық талапты не деп қояды яғни аталған келісімшарттардың күшін жою туралы. Сонымен қатар, шығындарды өтеу туралы талап-арыз қоя алады. Әрине ол кісілер мемлекет тарапынан берілетін адвокаттарға жүгіне алады. Заңгерлер сотқа банк пен алданған адамдардың арасындағы келісімшарттың күшін жою туралы арыз берілмегендіктен мәселе шешілмей қалғандығын айтады. Жәбірленуші тарап зейнеткерлер мен мүгедек жандар екені ескерілуі тиіс дейді. Сондықтан облыстық сотқа аппеляциялық шағымның мерзімін қалпына келтіру туралы арыз жазып, оң шешім болған жағдайда ары қарай әділдік іздеуге болады дейді мамандар. ------------------------------------------------ Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
