Мәжіліс депутаты Жигули Дайрабаевтың ұлдары сотталды. Олар субсидияны ұрлау арқылы мемлекетке жарты миллиард теңгеден астам шығын келтірген. Тараздағы №2 сот алаяқтықпен аса ірі мөлшерде бөтеннің мүлкін жымқыру немесе алдау жолымен бөтен мүлікті құқықтық иемдену бойынша төрт тұлғаға қатысты үкім шығарды. ТАРАЗ ҚАЛАСЫ №2 СОТЫНЫҢ БАСПАСӨЗ ҚЫЗМЕТІ: – Сыбайластар субсидиялау қағидаларын бұза отырып, сатып алынған "Альбион" құлпынай көшеттері үшін мемлекеттік субсидиялар алған. Олардың бір бөлігі алаяқтық жолымен ұрланып, жеке қажеттіліктеріне жұмсалған. Осылайша мемлекетке 550 849 430 теңге көлемінде залал келтірген. Қылмыстық іске қатысы бар топтың ішінде Жамбыл облысы әкімдігінің ауылшаруашылығы басқарма басшысының орынбасары, кәсіпкерлер Елжан Елібай, Марат Дайрабаев дәне Дидар Молдақалық бар. Соңғы екеуі депутат Жигули Дайрабаевтың ұлдары. Сотпен анықталған бұл жай күні кеше жарияланды. Белгілі болғандай субсидиядан заңсыз пайда тапқан топтың әрекеті нақты айғақтармен дәлелденген. Осылайша экс-шенеунік 6 жылға, тағы бір осы іске қатысты бар кәсіпкер 5 жылға абақтыға жабылды. Ал халық қалаулысы Жигули Дайрабаевтың ұлдары Марат пен Дидардың мүлкі тәркіленіп, 5 жылға шартты мерзімге сотталды. Депутаттың ұлдарына үкімнің жеңіл шығуына бұлардың бұрын істі болмағаны және кішкентай балаларының бары ескерілген. Дегенмен 4 сотталушы да кінәсін мойындаған жоқ. Мәжілісменнің өзі бүгін жұмыста төбе көрсетпеді. Ұлдарына қатысты түсінікте бермеді. Ал «Ауыл» партиясы фракциясының жетекшісі әріптесі жайында әзірге асығыс шешім шығармауға шақырды. Сот үкімі күшіне енбегендіктен күдіктілердің шағымдануына мүмкіндігі бар. Дей тұрғанмен әріптесінің өз аузынан мән-жайды білмекке тілшілердің көзінше телефон соғып көрді. АНАС БАҚҚОЖАЕВ, "Ауыл" Партиясы фракциясының жетекшісі: – Бұл ересек азаматтар. Қоғам алдында да, заң алдында да өздері жауап беруге міндетті деп есептейміз. Жеке Жигули Дайрабаевтың өзіне қатысты ешқандай іс жоқ. Бұған өзінің тікелей қатысы жоқ. Ол абыройы бар, ары таза, біздің партиямыздың фронтмені. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
