Улахан тапталым. Уйбаан Неустроев (Амма) тыллара уонна мелодията. Александр Макаров толоруута. ***** Халтайга ытаама, хомойон турума, Хараҕыҥ ууларын иэдэскэр тоҕума. Эрэниий эн миэхэ, эрэн, сэгэриэм. Кэскилбит биһиэнэ - эн биһи тапталбыт. Эйигин көрсөммүн дьолломмут курдукпун, Урукку олохпун букатын умуннум. Эйигин дьоллуоҕум, эйигин үөрдүөҕүм, Улахан тапталым, уостубат сулуһум. Аҥардас эйигин, эйигин саныыбын, Таптыыбын, ахтабын, долгуйа күүтэбин Утары кэлэҥҥин сылаастык кууһаргын, Мичээрдээн ыларгын. Күн аайы тупсаҥҥын күлүмнүүр курдуккун, Көстөҕүн харахпар, көстөҕүн, сэгэриэм. Кэтэһэр күннэрим, кэтэһэр эрэйим Эн эрэ буолаҕын, эн эрэ, сэгэриэм. Эйигин көрсөммүн дьолломмут курдукпун, Урукку олохпун букатын умуннум. Эйигин дьоллуоҕум, эйигин үөрдүөҕүм, Улахан тапталым, уостубат сулуһум.
