Саха ча5ылхай урбаанньыта - Василий Николаев.

Биhиги каналбыт айар үлэтин сэргиир, сэҥээрэр буоллаххытына донатынан - ким төһө баҕалааҕынан, кыахтааҕынан көмөлөһүөххүтүн, өйүөххүтүн сөп.
- субу ссылканан киирэн, ханнык баҕарар банк картатынан перевод быhыытынан🙌🏼 Аан айыл5а ситиминэн, ылсар-бэрсэр дьайсыы сөптөөхтүк туола турдун. Махтанабыт!❤️ 1:04 – Василий Николаев: кини хампаанньалара, бырайыактара 1:57 – плакаттартан сылтаан айдаан… 5:39 – төрүт дойду, төрөппүттэр тустарынан 9:04 – «Ийэм ыарытыйар этэ…» 9:55 – эбээлээх эhээ - олоххо холобур буолар дьонум 12:28 – ийэ сүбэтэ 14:11 – сахалар муостабыт тутуллуо дуо? 15:37 – бастакы дуоhунас 17:03 – бэйэни көрдөнүү 18:37 – «мелочник» 19:36 – улахан таhымҥа тахсыы кистэлэҥэ 20:55 – «10-ча сылынан тыыhынча предприниматели таhаарыам» 24:59 – «Талакан» иhигэр ханнык тэрилтэлэр баалларый? 30:16 – бизнес быраабылата 34:01 – общественнай үлэ араас хайысхалара 36:56 – госконтракт эйгэтэ – коррупцияла төрүөтэ 39:32 – Саха сириттэн харчыны кимнээх таhааралларый? 42:15 – Республикабытыгар дьадаҥы дьон ахсаана то5о элбэ5ий? Балаhыанньаны туох уларытыай? 45:11 – Суолбут кэлэр 10-20 сылга тупсубат кутталлаах 52:13 – хамаанда туhунан 54:01 – инженернай-научнай эйгэни күүhүрдүөххэ 54:50 – дьиэ кэргэним туhунан 56:06 – коррупцияны суох оноруохпутун син дуо? 1:01:09 – «Депутат хамнаhын дьоҥҥо биэриэм» 1:03:43 – кырыымчык олохтоох о5о саас кыhал5ата 1:05:07 – Германияттан матыы абакката 1:06:30 – «Талакантан» сахаларга эмиэ тиксиэхтээх 1:09:43 – бэйэтин көрдөнө сылдьар дьоҥҥо 3 сүбэ Саха омуга үйэлэр кирбиилэригэр сайдан, баччаҕа кэлэригэр улахан кылааты киллэрбит дьоммут - бастакы атыыhыттар, предпринимателлэр. Биhиги кинилэр ааттарын билиэх, ааттыах тустаахпыт. Кинилэр сатабыллаах хардыылары оҥорон, тус бэйэлэрэ өлөрбүт харчыларын дьоҥҥо, норуокка анаабыттара. Оннук биhиги дойдубутугар оскуолалар, үөрэх кыhалара, таҥара дьиэлэрэ тутуллубуттара; саха бастакы суруйааччыларын үлэлээн-хамнастаан, саха бастакы политическай деятеллэрэ киин куораттарга быhаарыылаах сырыыларын бэйэлэрин үптэринэн уйуммут дьон - кинилэр. Нэhилиэнньэ дьадаҥы араҥатын аhынан-үөлүнэн, үлэнэн хааччыйбыт, үөрэттэрбит, олох ыарахаттарын чэпчэппит дьон - киэн тутта ааттыыр бастакы атыыhыттарбыт. Саха бастакы урбаанньыттара: Николай Кушнарев, Семен Барашков, Николай Эверстов - Сэрбэкэ, Николай Кривошапкин, Манньыаттаах уола - онтон да атыттар. Олох бары өрүтэ: култуура, искусство, спорт, экология, үөрэҕирии сайдарыгар билигин да эрэлбит - урбаанньыттарга. Тоҕо диэтэр ити барыта үбүлээhини эрэйэр, онтон кыаҕырбыт киhи - дьонугар, норуотугар көмөлөhөргө, олох кыhалҕаларын чэпчэтэргэ дьулуhар. Оннук дьон биhиги ортобутугар билигин да бааллар. Холобур, бүгүҥҥү интервьюм геройа - урукку кэмҥэ анаан-минээн аатын киэҥник ааттаппатах, үлэhит киhи сэмэй майгытынан сылдьыбыт киhи. Сааhа 38 эрэ - күөгэйэр күнүгэр, өйүн-санаатын, күүhүн-уоҕун саамай чыпчаалыгар сылдьар киhи. Анардас ийэҕэ иитиллэн, дэриэбинэ борустуой, кыhалҕалаах олоҕор тиийиммэт-түгэммэт диэн тугун билэн улааппыт уол. Халын аймаҕа, билсиитэ-көрсүүтэ суох бэйэтин эт мэйиитинэн, тус толкуйунан эрэ тахсыбыт предприниматель. Ол аата хамнастан-хамнаска, дуоhунаска сылдьыбакка суолун бэйэтэ соломмут. Били Өксөкүлээх: «нуучча ньургунун кытары туруулаhар доҕор буол», - диэбитинии: Саха сиринэн эрэ мунурдаммакка, бүтүн Россия таhымнаах салайааччы буола үүннэ: Сибиир, ДФВО 15 регионун кытары үлэлэhэр, олоххо биир саамай тыын уонна уустук боппуруоhунан - суол оҥоруутунан, тутуунан дьарыктанар. Кини - сахаҕа сэдэх «долларовай миллионер» ааты олох эдэр сааhыгар ситиспитэ киhини сөхтөрөр. Уонна ити таhымҥа тиийэн баран, биhиги омук бастакы урбаанньыттарын үтүө үгэстэрин тутуhан, дьонугар көмө буолбута ыраатта: оскуола оҕолоругар аналлаах предпринимательствоҕа үөрэтэр бырайыактаах, оҕолор идеялара олоххо киирэн иhэллэр. Экологияҕа, спорт сайдыытыгар улахан кылаатын киллэрэр Биирдиилээн дьоҥҥо көмөтө- киhи ааҕан сиппэт элбэх. Элбэх оҕолоох ыал аҕа баhылыга. Кини аата - Василий Николаев. Борустуой саха уола хайдах маннык таhымҥа тиийдэ? Хайдах гынан киэҥ далааhыннаахтык бүтүн Россия таhымыгар хардыылаата? Биhиги кини холобуруттан туохха үөрэниэхпитин сөбүй? Ити туhунан Николь Егорова ютуб-каналыгар саҥа интервьюну көрүҥ-истиҥ, чугас дьоннуун үллэстиҥ