Қала мен аудан арасындағы қатынас жанданды. Блок-бекеттер алынғалы аудандарға жолаушылар автобустары жіберіле бастаған. Әсіресе жақын маңдағы Алға, Хромтау, Қандыағаш қалаларына сағат сайын автобустар жүріп жатыр. Қоғамдық көліктерде санитарлық талаптарды сақтау басты шарт. Бетперде болмаса қолында билеті болса да ешкім салонға кіргізілмейді. Көлік вокзалына келген бойда дене қызуы өлшенеді. Билеттерді күні бұрын алуға мүмкіндік бар. Жолаушылардың айтуынша, баға бұрынғы қалыпта. Алға, Қандыағаш, Хромтау қалаларына билетті автобус жүрер алдында сатып алуға болады. Ал, қаладан қашық орналасқан Әйтеке би, Ырғыз аудандарына күні бұрын сатып алу қажет. Ал, ақтөбеліктерді Ресейдің шекаралас қалаларымен байланыстыратын екінші көлік вокзалы жабық тұр. Автовокзал шекара ашылған соң ғана жұмысын жандандырады. Сайт телеканала
Twitter / rika_kz Вконтакте
https://vk.com/rikatv 