"Үржарым-бақ мекен" әні. Орындаған Үржар ауданының өнерпаздары

2014 жылы ұйымдастырылған "Үржарым- үкілі ән-жырым" атты Үржар туралы жаңа ән бәйгесінің Бас жүлдесін иеленіп, жеңімпазы атанған "Үржарым бақ мекен" әні бүгінде ауданымыздың әнұраны болған. "Үржарым бақ мекеннің" әнін жазған жерлесіміз, Шығыс Қазақстанда белгілі музыкант, Б.Момышұлы ОМ түлегі Рахат Баймұрзаев болса, сөзін жазған жерлесіміз, белгілі ақын, "100 жаңа есім" республикалық жобасының жеңімпазы, Абай ОМ түлегі Ержан Жұмабеков. Жүрегімізге туған жерге деген сүйіспеншілік пен мақтаныш ұялататын осы тамаша әнді бірге шырқайық. Үржарым-бақ мекен музыкасы: Рахат Баймурзаев сөзі: Ержан Жұмабеков 1. Тауың бұлттан асқан, өзен-көлің тасқан Далаң жусан аңқыған ақ мекен Гүлің жұпар шашқан, тасыңда жыр-дастан Құшағыма сиясың ба бақ мекен Қайырмасы: Асыр сап төсіңде еркелеймін туған жер, Жанымнан да қымбатсың сен туған ел. Ақ арман ақ құсым, Сен сондай тәттісің, Бұйыртқан бақты шын. Киелі жерім. Үржар деп ән салам, Мақтанып тамсанам, Әлемге жар салам. Сүйемін сені. Жерұйық өзіңсің Үржарым менің! 2. Тарихы бар терең, Тарбағатай көне, Толқынын аспанға атқан Алакөл. Ер Қабанбай дүлдүл, Әнші Әсет бұлбұл, Қанша ақын, батыр шыққан дара жер 3. Өткен күндері алтын, болашағы жарқын, Төбесінде көк аспан арайлы. Қастерлейтін сүйіп,тұғыры бар биік, Үржарым қайран қалдырған талайды!