"Асыл мұра" хабары, 1984 ж. | Кенен Әзірбайұлы әндері, "Qazaqstan" телеарнасының "Алтын қоры"

Ақын, жыршы Кенен Әзірбайұлының 100 жылдығына орай түсірілген қазақ телевизиясының "Асыл мұра" хабары. Жүргізушісі Ақселеу Сейдімбек, Жәнібек Кәрменов,1984 ж. "Жәнібек ән салады, Ақселеу тамсанады" деген сөз тіркесі осы хабардың түйіні ретінде халық арасына тарап кеткен. Хабар Жамбыл облысы, сол кездегі Красногор ауданы (қазіргі Қордай ауд.), Кенен ауылында орналасқан Кенен Әзірбайұлының әдеби-мемориалдық музейінде түсірілген. Осы хабардың түсіріліміне ақынның ұлы, музей директоры Көркемжан Кененұлы, Красногор аудандық мәдениет бөлімінің басшысы Әуесбай Бақбергенұлы қатысқан.