Кәсіптері тығырыққа тірелген Атырау облысындағы шағын дәріхана иелері биліктен бағаны реттеп беруге араша сұрайды. Талай жылдан бері дәрі-дәрмек сатып келе жатқан жиырмадан астам кәсіпкер, өзара сөз байласқан ірі компаниялар нарықтан ығыстырудың амалын жасап жатыр дейді. Айтуларынша, жетекші фармацевтикалық компаниялар көтерме бағаны қымбаттатып, керісінше бөлшек сауданың құнын түсіріп жіберген. Соның салдарынан жүздеген шағын дәріхананың саудасы жүрмей, шетінен жабылып жатыр екен. Атырау облысында "банкрот болудың алдында тұрмыз" деп дабыл қаққан дәріхана иелері бүгін бас қосып, құзіретті органдардан қолдау сұрады. Сөздерінше, дәрі-дәрмекті арзан бағамен сататын желілік фармацевтикалық бизнестің көбеюінен шағын дәріханалар тығырыққа тірелген. ТАЛҒАТ ОМАРОВ, Қазақстан тәуелсіз дәріхана иелері қауымдастығының төрағасы: – Көтерме сауда компаниялары преступный сговор жасап жүр. Мұны біз де Президент те көріп отыр. Соған назар аударып жатыр. Біз де осыған билік назар аударса дейміз. Көп дәрілер бізге дәріханаларға қымбатпен сатады. Ал өздерінің желісі арқылы арзан бағаға сатады. Бұл кәсіпкерлік кодекске қарама-қайшы. Бұл уақытша, алдамшы кәсіп деген шағымданушылар шағын дәріханаларды нарықтан ығыстырып, кейін бағаны қайта көтереді деп отыр. Қазір облыста фармацевтикалық бизнестің осындай олқылықтарынан жүздеген дәріхана жабылмақ. Өйткені, тауарларына мүлде сұраныс жоқ екен. Тіпті, әлеуметтік дәріханалар да қиын жағдайға тап болған. СҰҢҚАР МӘЛІКҰЛЫ, әлеуметтік дәріхана желісінің басшысы: – 2015 жылдан бері жасап келе жатырмыз. Зерде 2020-да кірді. Солар кіргелі бері өте қиын жағдайға тап болдық. Екі жылдан бері қиын. Қызметкерлерді қысқарттық. Ал жергілікті медициналық және фармацевтикалық бақылау департаментіндегілер бәсекелестік бизнеске араласа алмайтындарын айтады. ҮМІТХАН МУСАБАЕВА, ҚР Денсаулық сақтау министрлігінің медициналық және фармацевтикалық қызметті бақылау департаментінің Атырау облысы бойынша басшысының орынбасары: – Баға мемлекетпен құзырлы органдармен реттеледі. Арнайы бұйрықтар бар. Біздің департамент бизнестегі бәсекелестік ортаға араласа алмайды. Біз заңға сай ғана қызмет етеміз. Енді дәріхана иелері «Бұл мәселеге билік жедел араласып, бір жақты етпесе, жүздеген кәсіп жабылып, мыңдаған адам жұмыссыз қалады» дейді олар. Жанат Молдашова, Фархат Тәжібаев Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #дәріхана #банкрот #баға #бәсекелестік
