2023 сыл тохсунньу 27 күнүгэр Өксөкүлээх Өлөксөй аатынан норуоттар доҕордоһууларын дьиэтигэр саха норуотун тапталлаах ырыаһыта, Саха АССР уонна РФ культуратын үтүөлээх үлэһитэ, самодеятельнай композитор Ольга Иванова-Сидоркевич ырыаларынан "Таптыаҕыҥ ийэни" диэн саха эстрадатын ырыаһыттара Ника, Санита Ай, Амгаяна, Люси, Умсуура кыттыылаах улахан кэнсиэр ыытыллыбыта. Бүгүҥҥү биэриигэ ол кэнсиэртэн быһа тардан таһаарабыт. Ырыа дьоллоох түһүлгэтигэр Ольга Петровна кыра кыыһа Ольга Геляриевна Москва куораттан анаан-минээн кэлэн ийэтин репертуарыттан хас да ырыаны ыллаан дьон сүрэҕин долгуппута. Ольга Сидоркевич интервьютун бу ссылканан киирэн көрөөрүҥ: • Ольга Сидоркевич Кэнсиэргэ СӨ народнай артыыстара Клавдия, Герман Хатылаевтар кыттыбыттара, Ольга Петровна төрөөбүт түөлбэтигэр анаан суруйбут "Арыылааҕым сыһыыта" бэрт истиҥ ырыаны үрдүк таһымҥа толорбуттара. Ольга Петровна тэрийбит, олоҕун бүтүннүү анаабыт "Амма чэчирэ" оҕо образцовай ансаамбылын выпускницалара учууталларын туһунан саха суруйааччылара суруйбут ахтыыларын ааҕан иһитиннэрбиттэрин сэргээн истээриҥ. О.П. Иванова-Сидоркевич төрөөбүтэ 90 сылыгар аналлаах кэнсиэри бу ссылканан көр: • Ольга Иванова-Сидоркевич 90 сыла. "Та... Автор Вера Иванова #сахасирэ #yakutia #концерт #новости #сонуннар #амга #якутия #амма #нвксаха #ольгаиванова
