Жергілікті ақын, Қазақстан Журналистер одағының мүшесі Қызмет Нұралиннің туғанына 85 жыл

ҚЫЗМЕТ НҰРАЛИН-85 ЖЫЛ 🔰30 қазан күні Бөгетсай ауылдық мәдениет үйі және кітапхананың ұйымдастыруымен жергілікті ақын, Қазақстан Журналистер одағының мүшесі Қызмет Нұралиннің 85 жылдығына арналған «Ордың жыры» атты әдеби кеші өткізілді. 🔹Аталмыш шарада Бөгетсай ауылдық мәдениет үйі құрылым бөлім басшысы Жанаберген Токин сөз алып, ақынның мәнді ғұмыры кейінгі ұрпаққа үлгі-өнеге екендігін айтып, оны жастардың бойына сіңіре білуіміз қажет деді. 🔸Кешті ауылдық кітапханашы Несібелі Жиенбаева жүргізіп, ақынның шығармашылық өмір жолына тоқталып өтті. ✨Жүрегі жырлаудан, сырлы саздар тербеуден жалықпаған ақынның артында қалдырған өлеңдерін Бөгетсай мектеп- гимназиясы мен Қарлау бастауыш мектебінің оқушылары ерекше бір рухпен, сезіммен оқып, Жеткерген Токин ақын сөзіне жазылған «Ордың орғыл құмында» әнін орындады. ⚜️Әдеби кеште ақынның ұрпақтары, ауыл тұрғыны Дүзбай Андашев, Хромтау аудандық тарихи-өлкетану музейінің директоры Нұргүл Аманғалиева ақын туралы естеліктерімен бөлісіп, игі іс- шараның өтуіне ықпал жасаған ұйымдастырушыларға алғыстарын білдірді. 📚Шара соңы ауылдық кітапхана мен аудандық тарихи-өлкетану музейі «Туған жер-менің тағдырым» атты ақынның өмірі мен еңбек жолы туралы арнайы кітап көрмесімен жалғасып, мұражайдағы құнды заттары мен тарихи жәдігерлері қойылды.