Мұрат Кенжебаевтың «Кісі ақысы» әңгімесі қоғамда қордаланып жатқан күрделі мәселені танытады. Автор туындыдағы басты кейіпкер тағдыры арқылы оқырманын оңай жол арқылы пайда табудан сақтандырып, арамдық пен қатігездіктен, парақорлықтан жеріндіріп, адамдық қасиеттер мен асыл құндылықтарды дәріптейді. Әсіресе, кісі ақысының қаншалықты маңызға ие екенін айғақтайды. Шағын ғана шығарманың өн бойынан қазақы таным мен ұлттық құндылықтардың лебі еседі. Туынды өз оқырманын терең ой тұңғиығына батырып, ерекше сезімге бөлейді.
