28 маусым - Бұқаралық ақпарат құралдары қызметкерлерінің күні

ӨҢІРДЕГІ БАҚ ӨКІЛДЕРІНЕ ҚҰРМЕТ КӨРСЕТІЛДІ Елімізде 28 маусым - Бұқаралық ақпарат құралдары қызметкерлерінің күні болып бекітілді. "Жегені - жантақ, арқалағаны - алтын" дегендей бұл сөздер дәл журналистерге бағытталған. Ел игілігі үшін әрдайым ұтымды ақпарат іздеу жолында алыс-алыс сапарларға аттанып, тың деректерді оқырманға дайындап, ұсыну жолында көп еңбек етіп жүрген қылқалам шеберлері. Журналист мамандығы көп ізденісті талап етеді. Әрі екі есе жауапкершілікке қарауды қажет ететін, шынайы сезім мен шыдамдылыққа негізделген қызметтің бірі. Халыққа адал қызмет етіп, үлкен құрметке де ие. БАҚ өкілдері әрдайым талмай-тынбай еңбек етіп, ел жаңалықтарын халыққа дер кезінде жеткізуде. Олардың жасап жатқан ерен еңбектерін жұртшылық ерекше бағалайды. Журналист болу әдептілікті, төзімділікті, алдына мақсат қойып соған талпынып жұмыс жасауды, адамдармен үнемі шынайы байланыста болуды талап етеді. Кәсіби мереке қарсаңында бірлесе жұмыс атқарып жүрген «Арқа ажары», «Көкшетау», «Бұқпа», «Акмолинская правда», «Степной маяк», газеттері мен «Көкше» телеарнасы және «Ақмола News» ақпараттық агенттігінің қызметкерлерін құттықтағымыз келеді. Біз жергілікті БАҚ өкілдерімен тынбай бірлесе отырып, ел игілігі жолында қоян-қолтық жұмыс істегенімізге өте қуаныштымыз. Айтулы мерекеге орай өңіріміздің барлық журналистер қауымын, БАҚ саласының қызметкерлерін мерейлі мерекемен шын жүректен құттықтаймыз! Өз кәсіптеріне адалдық, игі істеріне шығармашылық шабыт тілейміз! Баршамызға ортақ мүдде – Әділетті Қазақстанды бірге құрайық!