Ағылшын тілі. “Social networks” тақырыбындағы ашық сабақ

Шымкент қаласы білім басқармасына қарасты №66 “Қазығұрт” жалпы орта білім беретін мектебінде 2022 жылдың 30 қараша күні “Мектеп өмірінің бір күні” тақырыбында өткен ашық есік күнінің бағдарламасына сәйкес ағылшын тілі пәні мұғалімі Садыкова Динара Жолдасовна 8 “Е”сыныбына “Social networks” тақырыбында ашық сабақ өткізді. Сабақтық мақсаты: әлеуметтік желілер тақырыбы бойынша сөйлеу дағдыларын қалыптастыру. Әлеуметтік желілердің пайдасы мен зияны туралы көзқарасын білдіріп өз ойын еркін білдіру. Сабақ қазіргі заман талабына сай жаңа технологиялық әдістер арқылы өткізілді. Оқушылар сабақ тақырыбын өздері қолданатын желілер туралы сұраққа жауап беру арқылы миға шабуыл әдісімен тақырыпты ашты. Сабақ барысында түрлі суреттер мен слайдтарды қолдана отырып оқушылар арасында speaking болды. Сабақта оқушылар “What s up, Instagram,Facebook,Goodle,Tik Tok, Telegram, Zoom, Snapchat, Twitter туралы қысқаша деректер жазып оқып берді. “Message” әдісі арқылы жазған деректермен алмасып топ болып талқылады. Сабақты қорытындылау кезінде интернеттің пайдасы мен зияны туралы талқылап өз ойларын айтты. Сабақ өте қызықты , жоғарғы деңгейде өтті, оқушылар әлеуметтік желілер жайында көп мағлұматтар алғанын айтып өз пікірлерін білдірді.