Қазақстанда жыл сайын мыңдаған түлек тегін оқудан негізсіз қағылады. Ал бөлінген мыңдаған грант саны түгел игерілмейді. Яғни, оқуға деп бөлінген қаражат қайта бюджетке қайтарылады. Мамандар, тіпті шекті 50 балл жинаған түлектердің грантқа түсу мүмкіндігі жоғары екенін айтады. Сындарлы сәт, ұлттық біріңғай тестілеуден шекті 50 ұпайды жинаған талапкердің де тегін оқуға түсуге мүмкіндігі мол. Сала мамандары, гранттан қағылатын түлектердің таңдауы дұрыс болуы үшін, Білім министрлігі бөлінетін грант санын оқу жылының басында шығару керек дейді. Былтыр 125 мың талапкер таласқан 51 мың гранттың 9 мыңы артылып қалған. Бұл орындар қайта екінші рет конкурсқа салынғанымен, қалған 4 мыңы сол күйі игерілмепті. Өйткені, оқу грантын бөлу жағы жөнді реттелмеген. ҚАНАТ ӨКСІКБАЕВ, «JOO.KZ» жобасының жетекшісі: – Қайтадан үлестіргеннің өзінде 4 мың грантты үлестіре алмай отыр ғой, себебі қазіргі жағдайды таңдауын өзгерте алмайды. Екінші үлестіруге байланысты шарттары анық жазылмаған заңда. Біріншіден, уақыты белгілі болуы керек. Екіншіден, шарттары нақты белгілі болу крек. Біздің қазіргі заңымыззда комиссия шешеді деген. Комиссия шешеді деген сөз әрқашан корупцияға ашық деген сөз. Биыл да, ҰБТ-ны тапсыратын 130 мың түлекке деп бөлінетін мыңдаған гранттың ақысы қайта бюджетке қайтарылуы мүмкін. Мамандар, педагогика және медицина саласын таңдаған талапкерлер 13-ші шілдеге дейін, яғни грант конкурсына дейін арнайы сертификатты алып үлгерулері қажет дейді. Ал шығармашылық мамандықты таңдағандар 7-ші шілдеге дейін құжат тапсырулары міндетті. Бірақ, бір ғана таңдау жасай алатын талапкердің белгілеген оқу орнына грант мүлдем бөлінбеуі мүмкін. АСҚАР МАҚСАТҰЛЫ, "DARYN ONLINE" платформасының директоры: – Мынадай рисктер бар. Кейбір мамандықтар мүлдем ашылмай қалуы мүмкін. Оқушылар 4 мамандықтың 3-уін таңдап, 1-уін таңдамай қойса, сол мамандық ол университетте мүлдем ашылмайды. Былтырдан бері университетке түсудің шекті ұпайын сол оқу орнының өзі белгілеп келеді. Өткен жылы 100 баллдан жоғары жинаған талапкерлер ғана әл-Фараби атындағы Ұлттық универсиетке түсуге мүмкіндік алса, биыл бұл оқу орны межені 85 баллға дейін түсіріпті. Сарапшылар , Білім министрілігіне грант санын алдын-ала жариялауды жыл сайын өтініп-ақ келеміз дейді. Бірақ, министрлік бізге де тізімді шілденің басында, асықпай айтамыз деп отыр. Әйгерім Ердәулет, Влад Шишко Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #ҰБТ #грант #тегін_оқу #стипендия
