Түркістан облысында босанған оқушыға қатысты тың дерек белгілі болды

Арнаға тіркел / Подпишись на канал:    / @thesevennews   Түркістан облысында 71 жастағы қарияның жасөспірімді зорлау ісі бойынша жаңа дерек белгілі болды. Еліміздің бала құқығы жөніндегі уәкілі Динара Закиеваның мәліметінше, Келес аудандық полиция қызметкерлері бұл қылмысты қыста білген. Бірақ істі есептен шығарып тастаған. «Осыған байланысты Ішкі істер министрлігі мен облыстық прокуратура полицейлерді тексере бастады», - дейді ол. Омбудсменнің айтуынша, жасөспірім биыл қаңтар айында Астанада босанған. Дәрігерлер дереу полицияға хабарлаған. Кейін материалдар Келес ауданына жолданған. Бірақ аудандық полиция бұл істі номенклатуралық есептен алып тастаған. ДИНАРА ЗАКИЕВА, ҚР БАЛА ҚҰҚЫҚТАРЫ ЖӨНІНДЕГІ УӘКІЛ: Түркістан облысында қыз баланың жыныстық қол сұғылмаушылығына қарсы жасалған қылмыс фактісі бойынша ІІМ және облыстық прокуратурамен бірлесіп жұмыс істеп жатырмыз. Астана қаласының Полиция департаменті бұл фактіні қылмыстық іс ретінде тіркеп, материалдарды аумақтық тергеу құзыретіне сәйкес Түркістан облысына жолдаған. Алайда Келес ауданының полиция бөлімі бұл істі номенклатуралық іс ретінде жауып тастаған. Бұл жайт бойынша ІІМ мен облыстық прокуратура тексеру жүргізіп жатыр. Өңірлік уәкіл оқиға орнында жұмыс істеп жатыр. Бірақ бұл ақпаратты облыстық полиция департаменті жоққа шығарды. Құқық қорғау органы бұл жағдайдың болуына қыз баланың өзі мен ата-анасы себепші дейді. Департамент дерегінше, әуелі оқушы мен анасы оқиға жас жігітпен арада болғанын мәлімдеген. Сөйтіп, арыз жазудан және сараптама жүргізуден бас тартқан. Осыдан кейін тергеу жаңылысқан. Алайда 12 қазан күні жәбірленушінің анасы 70 жастағы туысының үстінен шағымданып, соны күдікті ретінде тануды сұраған. --------------------------------------------- Официальный сайт «Седьмого канала»
Instagram:   / tv7_kz   TikTok:   / tv7_kz   Facebook:   / tv7kz   Telegram:
#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал