Шояд хабар доред, ки тайи чанд рӯзи ахир чандин духтари блогер дар Тоҷикистон бо дастури мақомоти интизомӣ бо нашри видеоҳое ба қавле тавба карданд, ки дигар ҳангоми суҳбат дар шабакаҳои иҷтимоӣ гапҳои қабеҳ намезананд. Яке аз онҳоро ҳам ба 10 рӯзи ҳабс маҳкум карданд. Ҳоло баҳс сари ин аст, ки милисаҳо дар Тоҷикистон ба пулиси ахлоқ табдил шудаанд, ки рафтори блогеру духтаронро назорат мекунанд ва мехоҳанд нишон бидиҳанд, ки урфу анъанаҳои миллиро муҳофизат мекунанд.
