24.07.2024 Франция🇫🇷 Ножан-сюр-Сен - Кретей Олимпиада 2024! Велосаяхат Ақтау-Париж 👍 Bringing Peace to Olympic 💕 Ножан-сюр-Сен қаласынан таңертең ерте Париж бағытына шықтық. ХХХІІІ Париж жазғы олимпиядасына іріктеліп жолдама алған Қазақстан спортшылары төрт жылдық бас бәсекесіне келіп дайындықты бастап кетті. Барша қатысушы спортшыларымызға сәттілік тілейміз. Жиырма шақты шақырымды артқа тастап шағын Джеукс ауылына жеттік. Өте әдемі ағаш – жасыл желектер егілген ауыл екен Эверли, PERой ауылдығыда әдемі көкжелекке оранған. Тура жолдар жоқ, себебі үлкен авто жолда великпен жүруге рұқсат жоқ. Біз сол Париж іргесінде орналасқан орман – тоғайды аралап кейбір жерлерде жолсызбен келе жатырмыз. Елді мекендердегі су башнялары үстіңгі жағы үлкен кесеге ұқсатып саланған, бұл ауылға су беру қысымын көтеруге пайдасы бар шығар. Көп ауылдардың шетінде домалақ қоңырау типтес қоқыс қалдықтарын сұрып жинайтын ыдыстар қойылған. Жеңіл машинамен келіп арнайы тесігінен реттеп салыпкетеді екен. Қалың ағаш арасындағы көлеңкеге мектеп жасындағы балаларға да түрлі ойындар ұйымдастырып, атқа мінгізіп жүр. Жүгері алқабы іргесінде қозғалысқа ашшы дыбыс шығаратын камера қойылған екен. Құс, басқада аңдардан қорғау үшін болу керек. Орман ішіндегі кесілген ағаштың сртында алыстан көрінетін қағазға «КЮАР»кодын салып есепке алып тастаған. Есек деген мал бұл жерде де бар екен. Біздің кәдімгі мұнай качалкасын көріп суретке түсірдім. Жұмыс істеп тұрған жоқ, көрнекі экспонат ретінде тұрған сияқты. Менің жүріп келе жатқан соқпақ жолым 300 км/сағ жүретін жүрдек поездардың жолын жерасты өткелі арқылы кесіп өттім. Екі қатар жолмен әрбір 3-5 минутта поездер зулап өтіп жатыр. Парижге жақындаған сайын мен жүріп кележатқан жолмен жаяу жүгірушілер, велосипед айдаушылар көбейді. Веложол қала шетіне кірген соң сапасыда жақсырап, түсіде жасыл түске өзгеріп, жол белгілерімен қорғалып жүруге өте қолайлы бола бастады. Жарық барында қала шетіндегі «Новотель» қонақ үйіне келіп орналастық. Бөлменің терезесінен қарасам қарсы алдымыздан айшығы жарқыраған аппақ Мешіт тұр. Ее, Аллам қолдай көр! Барлық спортшы батырларымызға, бапкер, ұйымдастырушы, қолдаушыларға сәттілік тілейміз! Париж олимпиадасының басталуына 1 күн қалды! Раббим, Айзада, Данышпан
