#Баланы ойын арқылы дамыту. 1-2 жастағы баламен қалай ойнау керек? #ұсақ қол моторикасы #баланыойынарқылыдамыту #дидактикалықойын #қызықтыойындар Армысыздар құрметті ата-аналар. Біз бүгін әдеттегідей ұсақ моториканы қарастырамыз. Ұсақ моториканы дамыту- баланың психофизикалық дамуындағы маңызды кезең болып табылады. Қимыл-қозғалысы нашар дамыған балалар қолдарына қасық немесе қарындашты ыңғайсыз ұстайды, түймелерді қалай бекітуді, аяқ киімнің бауын байлауды білмейді. Ал, мектепте олар жазу жазғанда қиналады. Сондықтан кішкентай кезінен ұсақ моторикаға ерекше көңіл бөлу өте маңызды. Балаларда бұл дағдыны жаттықтыру үшін қандай ойындар мен жаттығулар жасау керек, соны айтатын боламын. Ендеше, видеоны паузаға қойып, лайк басып, тіркеліп алыңыз. Ұсақ моторика - бұл ұсақ бұлшықеттер қатысатын қолдар мен саусақтардың ұсақ қимылдары. Қасықты ұстау, ұсақ заттарды ұстау, сурет салу сияқты дағдылары ұсақ моториканы жаттықтыру арқылы жүзеге асады. Бір жастан екі жасқа дейінгі балалардың ұсақ моторикасын дамытуға көмектесетін көптеген ойындар мен әрекеттер бар. Соның арасынан 3 еуіне тоқтала кетейін. 1-ші ойынымызда балаңызға ыдысқа су құйып, ішіне кез келген ұсақ ойыншықтарды, немесе қақпақтарды салып беріңіз. Қолына қасық беріп, судың ішіндегі заттарды келесі ыдысқа салуды ұсыныңыз. Балаларға бұл ойын өте қызық. Жасап көріңіз, өте оңай, балаңызға ұнайды. 2-ші ойынымыз жануарларды құтқар деп аталады. Яғни балаға резинкамен таңылған жануарларды береміз, баланың мақсаты резинкаларды шешіп, жануарларды құтқару. 3-ші ойынымыз тығылмақ ойыны. Яғни ыдысқа ұсақ жармаларды салып, арасына ұсақ ойыншықтарды тығып қоямыз, қасына бір ыдыс береміз, баланың мақсаты тығылған ойыншықтарды жармалардың арасына қолын салып іздеп табу. Мұның бәрі ұсақ моторикаға оң әсер етеді. Ойындар мен әрекеттер нәтиже беруі үшін келесі ұсыныстарды орындаңыз: Балаңыздың жасына сәйкес келетін әрекеттерді таңдаңыз. Әйтпесе, ол оларды орындай алмайды. Ойын түрінде жаттығу жасаңыз. Ендігі видеоларда әр жас ерекшелігіне байланысты көптеген ақпараттар болады, видеоларды жіберіп алмау үшін, арнамызға тіркеліп, қоңыраушаны басып, ұнаса лайк қойып, достарыңызбен бөлісіңіз, келесі видеоларда кездескенше. #қызықтыойындар #кызыктыойындар #баланыдамыту #баламенойнау #ұсақмоторика #ұсақмоториканыдамыту #дамытушыойын #дамытушыойындар #ойындар #баланыдамытуойындары
