Президенттин достору менен жакындары кантип «Мадина» базарын ээлеп алышты?

Кримтөбөл Камчы Көлбаев өлтүрүлгөндөн кийин УКМК ишкерлерди уюшкан кылмыштуу топторду «каржылаган» деген айып менен кармай баштаган. Бул башынан эле мүлктөрдү кайра бөлүштүрүүгө окшоп, анын жүрүшүндө кармалгандар бизнеси менен акчасын эркиндигине алмаштырууга аргасыз болушкан. «Клооп» буга далилдерди тапты. Садыр Жапаровдун туугандары менен жакын адамдары кантип «Мадина» кездеме базарын жана коңшулаш жайгашкан жалпы аянты 32 гектарды түзгөн жеке ишканаларды өз колдоруна алганы жөнүндө айтып беребиз. Иликтөөнү кененирээк бул шилтеме аркылуу окуңуз: