Екі айдан бері жалақы алмаған мейрамхананың қызметкерлері қожайындарының үстінен іс қозғамақ.
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Алматыда екі айдан бері жалақы алмаған мейрамхананың 100-ден астам жұмысшысы қожайындарының үстінен қылмыстық іс қозғалуын талап етеді. Өйткені, олардың айтуынша, кәсіпкер күнделікті табыс түсіп тұрса да қызметкерлердің айлығын төлемей кеткен. "Маңдай тердің ақысы өтелмеді" дейді. Ал бұған мейрамхана қожайынының өзі не дейді? Келушілер қатары үзілмейтін дәмханада жалақыға қатысты шу неден басталды? Қос тарапты тыңдап қайтқан әріптесім Оразай Нұртайұлы айтады. Жалақысыз қалған бұл азаматтардың мейрамхана табалдырығында тұрғаны бірінші рет емес. Бұған дейін сан мәрте жанайқайын жеткізген. Бірақ одан нәтиже де, қалтаға түскен ақша да жоқ. Жұмысшылардың сөзіне сенсек кәсіп қожайыны бастапқыда уәде беріп, кейін айлық түгілі көк тиын да көрсетпей кетіп қалыпты. ШЫНАР ТЫМАҚБАЕВА, мейрамхана қызметкері: - Ол просто бәрін тастады да кетті. "1 ай күт" деді. Бір ай күттік. Оның артынан сол күйі жоқ болды да кетті. Ал біз мында 4 рестораннан жүрміз. 2023 жылдан бері жалақы ала алмай жүрген адамдардың жалақысын сұрап. Біз өзіміздің қызметімізді адал атқардық. Біз өзіміздің ақшамызды алуға тиістіміз. БОРИС ЩЕНСНЫЙ, мейрамхана қызметкері: - Ресторан тоқтаусыз кіріс әкеліп отырды. Келушілер қатары үзілмейтін. Бірақ соған қарамастан неге екені белгісіз біздің жалақымызды бермеді. Айлыққа қатысты мәселе негізі былтыр басталған. Енді, міне, 2 жарым ай болды дымсыз қалып отырмыз. Мен мысалы 470 мың теңгеден астам қаражатымды ала алмай отырмын. ОРАЗАЙ НҰРТАЙҰЛЫ, тілші: - Қызметкерлердің айтуынша, мейрамхана қожайыны 1 дәмханадағы 60 шақты жұмысшының өзіне 19 жарым миллион теңгедей қарыз. Ал жалақысыз қалғандардың арасында айлығын былтырғы желтоқсаннан бері ала алмай жүргендер де бар дейді. “Маңдай тердің ақысын төлесін” деген 100-ден астам азамат енді мәселені құзырлы органдар арқылы шешпек. Ал сол 100-ден астам жұмысшы істеген 4 мейрамхананың қожайыны шағымданушылардың көп сөзін жоққа шығарып отыр. Дегенмен оларға ақша қарыз екенін мойындайды. Оның айтуынша, қызметкерлердің ақшасыз қалуының өз себебі бар. ОЛЬГА ӘБДІҒАППАРОВА, басқарушы компания басшысы: - Я согласна. Я не выплатила заработную плату. Но я не выплатила не по своей вине. У меня просто закрыли бизнес. Я бы давно оплатила бы заработную плату, если бы по закону отдали мое имущество. У меня удерживают уже 2 месяца имущество. Основные средства. Келісемін. Мен жалақыны төлемедім. Бірақ оған менің кінәм жоқ. Менің бизнесімді жауып тастады. Егер заң жүзінде менің мүлкімді қайтарса жалақыны сол кезде-ақ беретін едім. Бірақ менің мүлкімді 2 айдан бері ұстап отыр. 2 айдан бері жалақысыз қалған жұмысшылар енді адвокаттарға жүгініп отыр. "Қайткен күнде адал еңбегіміздің ақысын алмайынша тыным таппаймыз" дейді. Ал жалақыға қатысты дау шыққан мейрамхана да бүгінде қызмет көрсетуін тоқтатқан. Оразай Нұртайұлы, Ринат Абулхаир, ИБ, Алматы. --------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
