"Би бизнесийн хүн болохоор та нар долоо хоногт тэдэн хувцас заавал гарга, тэгж байж бид ашигтай ажиллана зэрэг шаардлага тавих хэрэг гарна. Тэгэхээр урлагийн хүмүүсийн "онгод"-ыг нь хүлээх болно гээд бид гурав маргаад бүр зодолддог ч байсан. Одоо харин бид харцаараа ойлголцдог болсон. Анх гурвуулаа эхэлж байсан бизнес маань одоо 30 уулаа болсон. Бид Лондонгоор дамжиж Европын зах зээл рүү гарч эхэлсэн." "Бизнес өрөг" энэ удаа "Michel Amazonka" ХХК-ийн гүйцэтгэх захирал Ч.Мөнхжаргалыг онцолж ярилцлаа. Тэрээр Австралийн тэтгэлэгт хөтөлбөрөөр Төслийн менежмент мэргэжлээр мастерт суралцаад дүү нарынхаа бизнест туслахаар ажлын карьераа сольжээ.
