Созақ ауданы Оңтүстік Қазақстан облысының солтүстігіндегі ең шалғай орналасқан аудан. Ең алғашқы Қазақ хандығының туы тігілген, Созақ көтерілісі орын алған тарихи өлке. Қазақтың заңғар жазушысы Мұхтар Әуезов "Созаққа барсаң күйшімін деме" деген сөзі текке айтылмаған. Шертпе күйдің шеберлері Сүгір Әлиев, Жаппас Қаламбаев, Төлеген Момбеков, Генерал Асқаров сынды күйші бабаларымыздың кіндік қаны тамған жер. Өнер жолы атадан балаға мұра болып қала бермек демекші, қазіргі таңда елімізге белгілі өнер жұлдыздары мен спорт саңлақтары жайлы да мақтанышпен айтуға болады. Сол алдыңғы толқын ағаларымыз 16 тамыз - Созақ ауданының Жастары күнінде өздерінің ыстық лебіздерін көгілдір экран арқылы білдіріп, аудан жастарын мерекелерімен құттықтады. Кейінгі толқын інілердің де қызығушылықтары артып, "Болмасаң да ұқсап бақ" деген қағидамен ағалары салған жолмен жүруді алдарына мақсат етіп қойды. Мереке құтты болсын, құрметті Созақ ауданының жастары! Ізгі тілекпен: Созақ аудандық Жастар орталығы
