Гулбиддин Ҳикматёр, яке аз сиёсатмадорони ҷанҷолии афғон иддао дорад, ки Тоҷикистон бо Афғонистон роҳи душманиро пеш гирифтааст, чун, ба гуфтааш, мухолифони Толибонро дар қаламраваш паноҳ медиҳад. Ӯ, зимни суханронӣ дар як масҷиде рӯзи ҷумъа гуфт, агар чунин бошад, Афғонистон ҳам метавонад, мухолифони ҳукумати Тоҷикистонро дар қаламраваш паноҳгоҳ диҳаду аз ин роҳ кишварро ноором созад. Гулбиддин Ҳикматёр дар рӯзе дар ин бора суҳбат кард, ки гуруҳи ДОИШ гуфт, аз Афғонистон ба хоки Тоҷикистон 7 мушак партоб кардааст.
