Халық ішерге ас таппай отырғанда, Үкімет легионерлерге миллиардтар жұмсаған. Антикор не істейді?

Қазақстан үкіметі соңғы 6 жылда спортты дамытуға бюджеттен 1,4 трлн теңге жұмсаған. Қыруар қаражаттың тиімсіз жұмсалғанын күні кеше Антикор анықтап, БАҚ-та жариялады. Алайда, желге ұшқан ақша үшін лауазымды тұлғалар жауап бере ме, жоқ па, ол жағын нақты айтқан жоқ. Осы алты жылда Қазақстанның спорт саласында бес министр ауысқан. Ендеше сұрауды кімге саламыз? Әлде тағы да майда шабақтар ғана жазаланып, ірі шортандары құтылып кете ме? Бұл да уақыт еншісіндегі мәселе. Ең сорақысы, осы 1,4 трлн теңгенің біраз бөлігін спорт шенеуніктері легионерлерге жұмсаған. Ал, әлгі келісмектер Қазақстанға Олимпиаданың бірде-бір алтын медалін сыйламады. Ол аздай, Үкімет тағы бірнеше миллиард теңгені атауы адамға белгісіз спорт түрлерін дамытуға жұмсаған. Енді алдағы үш жылға тағы 1,3 трлн теңге спортты дамытуға бөлінеді. Бұл қаражатқа тағы да Өтемұратов пен Ахметовтер шетелден келімсектер әкеліп, соларды бағып-қағуға жұмсай ма, әлде билік есін жиып, расымен де спортты дамыта ма, ол жағы бір құдайға аян. Telegram:
Сайтымыз:
"Бірінші гол" арнамыз -    / @1golkz   Жүргізуші: Олжас Байбосын -   / olzhas_baibosin   #футбол #біріншібол #подкаст