Сұмдық! Алматыдағы нөмірі 29-шы балабақшаның асханасында тарақандар толып жүр

Алматыдағы нөмірі 29-шы балабақшаның асханасында тарақандар толып жүр. Ас дайындайтын ыдыстардың жанында өрген жәндіктер ата-аналардың ашуын тудырды. Айғай-шуға басқан тұрғындар балаларының таза ас ішіп жүргендеріне күмәнмен қарайды. Тіпті бұған дейін тамақтан шаш пен темір шыққанда да шыдамдық танытып, үндемеген едік. Енді жұмысына салғырт қараған басшылық жауап берсін деп отыр. Берекесі кеткен бөбекжайды Аяулым Изатқызы да көріп қайтты. Желіде тараған сұмдық кадрларды балабақшаның күзетшісі түсіріп алған. Видеодан үстел үстінде өріп жүрген көп жәндік көпті шошытты. Ал едендегі тарақандардан аяқ алып жүру мүмкін емес. Бүкіл ата-ананы дүрліктірген жазба мекемедегі кешкі жиналысқа айналды. Бөбекжай алдына жиналғандар мемлекет бөлген қаржыны игере алмай, балаларымыздың денсаулығына қауіп төндіргендерді қызметінен алыстату қажет дейді Балабақша қызметкерлері де ата-аналардың сөзін растап отыр. Айтуларынша, мамандар мәселені бірнеше рет көтермек болған. Алайда басшылық қысым көрсеткен көрінеді. ӘЙГЕРІМ ҚАРАСАЙҚЫЗЫ, балабақша қызметкері: Поварларға қысым жасалды ашығын айтайық. Команда ауысты, тамақтың дәмі де, құрамы да ауысты. Беспорядок басталды тарақандар көбеюі, шаш шығуы, темірдің шығуы сияқты нәрселер пайда болды. Бір-екі апай көтеруге тырысып еді, оларға да қоқан-лоққы болды "жұмыстан шығарып тастаймыз" деген сияқты. АЯУЛЫМ ИЗАТҚЫЗЫ, тілші: Қазір біз әлеуметтік желіде тараған видеодағы балабақшаның асханасында жүрміз. Ата-аналардың айтуынша, шу көтерілген соң бүгін басшылық тазалық жұмыстарын жүргізген. Бірақ қаптаған жәндікті бірден жою мүмкін болмаған сияқты. Өйткені тарақандар әр жерде әлі де жүр. Ата-аналар сөзінше, берекесі кеткен балабақшаның тәрбиешілері де балаларға қол көтеріпті. Мөлдір Мұхтарованың сөзіне сенсек, 3 жасар ұлын қызметкерлердің бірі әдейі әжетханаға кіргізіп ұрған. Өйткені онда бейнебақылау камерасы жоқ. Қазір мектепке дейінгі мекемедегі жағдайды тексеру үшін арнайы комиссия құрылды. Және білім бөлімі мен санитарлық-эпидемиологиялық қызмет жұмыс істеп жатыр. ҰЛЖАН БАТЫРБАЕВА, Алматы қаласы әуезов аудандық білім бөлімінің бас маманы: Қазіргі таңда 29-балабақшада санитариялық-эпидемиологиялық бақылау мен тексеріс жүргізіліп жатыр. Білім басқармасымен мониторинг тобы құрылды, қазір жұмысын бастап жатыр. Ата-аналардан өтініштер алынды. Таракандар бар деп жатыр, басқа да кемшіліктерін айтып жатыр. мониторинг және проверка дейміз ғой СЭС өткізіп жатқан, солардың қорытындысы бойынша шешімдер қабылданады. Мамандар тексеріс қорытындысына сәйкес тиісті шешім қабылданатынын айтады. Алайда ата-аналар істі соңына дейін жеткіземіз деп отыр. #Информбюро #31арна #БастыЖаңалықтар #таракан #балабақша