Өмірғали Ертуған - Ақжелең Ақжелең – қазақтың домбыра күйлерінде қалыптасқан жанр. Ақжелең сөзі көңілділікті, ақ жарқындықты, думанды көңіл-күйді білдіреді. Соған сәйкес күйлер де жеңіл, ойнақы орындалады. Дегенмен әрбір «Ақжелеңнің» мазмұнына, болмысына, оқиғасы мен құбылысына байланысты өзіндік ерекшеліктері бар. Онда көтеріңкі көңіл-күймен қатар мұңды жағдай да көрініс табады. Көңіл құлазып, ренішке беріле бастаған кезде құбылып, күрт сергітіп, рухыңды көтеретін қайрат, күш-жігер төгіліп бір салады. Қазақстанның батыс өңірінде әрбір орындаушы өзің күйшілік санатқа кіргізу үшін алпыс екі Ақжелеңді түгел тарту шарт болған. Бұл өзіндік орындаушылық мектеп сияқты. Сондықтан ел арасында ― “Алпыс екі Ақжелең”, “Алпыс екі салалы Ақжелең” немесе “Алпыс екі тамырлы Ақжелең” дейді. Алпыс екі Ақжелеңді Қаратас-Аймағамбет, Үсен-төре, Құрманғазы, Қазанғап, Еспай сияқты т.б. ұлы күйші-композиторларымыз осы дәстүрді жалғастырып өз Ақжелеңдерін шығарған. Осы дәстүр ізімен және де А.Жұбановтың «Құрманғазы» атты еңбегін оқып, содан қатты әсер алып шығарған күйі. Өмірғали Ертуған – 1967 жылы Жамбыл облысы, Сарысу ауданына қарасты К.Маркс бөлімшесінде мұғалімдер отбасында дүниеге келген. Құрманғазы атындағы Қазақ ұлттық консерваториясын тәмамдаған. Қазіргі таңда Абай атындағы Жамбыл гуманитарлық жоғарғы колледжінінің домбыра кафедрасында дәріс береді. 10 – нан астам күйлердің авторы. «Қазақтың 1000 күйі», «Қазақтың 500 күйі» антологияларына күйлері еңген. Жамбыл өңірінің Ақжелеңін тыңдап көрініздер🙂
