Басынан ауыр соққы алып, жансақтау бөлімінде жатқан сарбаздың ата-анасының айтары бар
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Әскерде басынан ауыр жарақат алған 21 жастағы сарбаз Ербаян Мұхтар бес айдан бері жансақтау бөлімінде жатыр. Жігіт әлі есін жимаған, өзіне келмеген. Бірақ соған қарамастан дәрігерлер санавиация шақырып, науқасты Астанадағы әскери госпитальге жөнелтуді көздепті. Олардың пікірінше, жігіттің жағдайы ауыр болғанмен жолды көтере алатындай хәлде. Ал сарбаздың туыстары бұл шешімге түбегейлі қарсы. «Онсыз да өмірі қыл үстінде тұрған ұлын әуеге көтерсе, қысымға шыдамай қиналып қала ма» деп қорқады. --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Бұл 21 жастағы астаналық Ербаян Мұхтардың әскерге аттанар алдындағы суреті. Туыстарының айтуынша, жігіттің физикалық дайындығы жақсы, спортқа да икемді болған. Отан алдындағы борышын өтеуге де өз еркімен аттанған екен. Осылайша Ұлттық ұлан қатарына шақырылған. Алайда 5571 әскери бөлімінде мерзімдік қызметте жүргенде басынан ауыр жарақат алып, жансақтау бөліміне түскен. Анасының сөзінше, сол кезде әскерилер Ербаян Мұхтардың дәретханада құлап, басын жарып алғанын айтқан. ГҮЛСІМ КАМИЕВА, Ербаян Мұхтардың анасы: – Дені сау балам туалетте құлап, анандай жарақат алды дегенге сенбеймін. Баланың басының артқы және алды жағы жарылған, маңдайында тыртық тұр. Баланың терісі мен құр сүйегі қалды. Арықтап кеткен. Қазір 42 келі деп жазып беріпті дәрігерлер. Ал бұл бүгінде жансақтау бөлімінде жатқан 21 жастағы жігіттің қазіргі бейнесі. Туыстарының айтуынша, Ербаян көзін ашқанмен сөйлеуге, белгі беруге шамасы жоқ. Бірақ соған қарамастан Алматыдағы дәрігерлер науқасты Астанаға тікұшақпен жөнелту туралы шешім қабылдапты. Ол үшін бізден қолхат сұрап, жауапкершілікті жақындарына артуға тырысты дейді анасы. ГҮЛСІМ КАМИЕВА, Ербаян Мұхтардың анасы: – Енді мен қолхат беріп өз баламды алып кетеді екенмін. Ал жолда бір жағдай болып қалса ше? Сонда мен өмірбақи өзімді кінәлап өтемін бе?! Сап-сау баланы, 12 мүшесі сау баланы Отан алдындағы борышын өтеуге жібердім, соны сап-сау қылып, аяққа нық тұрғызып беруін талап етемін. Сарбаздың анасы бұл оқыс жағдай дұрыс тергелмей жатқанына наразы. Ол іс бұрмаланып кете ме деп қорқады. Өйткені оқиғаға қатысты көп дүниелер ескерілмей қалған. Ал 21 жастағы Ербаян борышын өтеген 5571 әскери бөліміндегілер істі әскери полиция қарап жатқанын мәлімдеді. ҚР ҰЛТТЫҚ ҰЛАНЫ "ОҢТҮСТІК" ӨҢІРЛІК ҚОЛБАСШЫЛЫҒЫНЫҢ БАСПАСӨЗ ҚЫЗМЕТІ "Осы факті бойынша әскери полиция қызметі Қазақстан Республикасы ҚК 440-бабының 3-бөлімінде көзделген қылмыстық құқық бұзушылық белгілері бойынша // (әскери қызметшілер арасында бағыныстылық қатынастары болмаған кезде олардың арасындағы өзара қарым-қатынастардың жарғылық қағидаларын бұзу) //қылмыстық істі тергеп-тексеруде . Қазіргі уақытта кешенді сараптама тағайындалуына байланысты сотқа дейінгі тергеп-тексеру мерзімдері тоқтатылды". Жігіт түскен Орталық қалалық клиникалық аурухана да көп жерде салғырттық танытты дейді анасы. Мысалы, сарбаз алғаш жатқызылғанда тиісті ем-дом көрсетіліп, Ербаянның беті бері қараған. Сол кезде оны Алматыдағы госпитальге ауыстырып жіберіп, науқастың жағдайы нашарлап кеткен. Содан 22 қаңтарда ауруханаға қайтарылған. Мұны дәрігерлер жоққа шығара алмады. Бүгінде сарбаздың жақындары Ербаянды Астанадағы әскери госпитальге ауыстыруға түбегейлі қарсы. Бірақ науқасты көшіру туралы шешімге дәрігерлер оның анасы сұраған соң ғана келдік дейді. Ондай өтініш жасалғаны да рас. Алайда жігіттің қазіргі жағдайын көрген соң, анасы ойынан айнып қалған. ОРАЗАЙ НҰРТАЙҰЛЫ, тілші: – Жансақтау бөлімінде жатқан Ербаян Мұхтардың анасы қарсылық білдіруіне байланысты мұндағы дәрігерлер шешімді қайта қарастыратын болды. Әзірге 21 жастағы сарбаз ем-домын дәл осы Орталық қалалық клиникалық ауруханада жалғастырады. Мерзімді қызметке аттанып, жарақат алған жігіттің жақындары іс бойынша әділ тергеу жүргізуді талап етуде. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
