22 - сабақ. Динамика бойынша есептер шығару. Ньютон заңдарына есептер шығару. Бірінші бөлім

8.13 Массасы 60 т, ал моторларының тарту күші 90 кН болатын реактивті ұшақ ұшар кезінде қандай үдеумен қозғалады? 8.14 90 Н күш денеге 1,2 м/с2 үдеу береді. Осы денеге қандай күш 3 м/с2 үдеу береді? 8.15 Массасы 2 кг денеге бір түзудің бойымен екі күш әрекет етеді: 8 Н және 6 Н. Олардың арасындағы бұрыш 1) 00; 2) 900; 3) 1800 болғандағы дененің үдеуін анықтаңдар. 8.16 200 Н күш әрекетінен дене координатасы x=50+4t+t2заңымен өзгеретіндей болып түзусызықты қозғалады. Дененің массасы қандай? 8.17 Массасы 4 т, жүгі жоқ автокөлік 0,3 м/с2 үдеумен қозғала бастады. Сол тарту күшімен орнынан 0,2 м/с2 үдеумен қозғлатын жүгі бар автокөлік жүгінің массасы қандай? 8.18 Массасы 800 г тыныштықтағы дене 8 Н күштің әрекетінен 36 км/сағ жылдамдық алды. Дененің жүрген жолын анықтаңдар. 8.19 Массасы 1,2 т мәшиненің жылдамдығы υ=10+0.25t заңы бойынша өзгереді. Мәшинеге әрекет ететін қорытқы күштің модулі қандай? 8.29 Массасы 600 г волейбол добы ойыншының 20 мс-қа созылған соққысынан кейін 12 м/с жылдамдық алды. Соққының орташа күшін анықтаңдар. 8.30 Массасы 80 кг шаңғышы төбеден сырғанап түскенде, етектегі жылдамдығы 8 м/с-қа тең болды. Егер шаңғышы сырғанау басталғаннан кейін 20 с өткенде төбе етегіне тоқтаса, қозғалысқа кедергі күштің шамасын анықтаңдар. 8.31 Тыныштықта тұрған массасы 100 г дене 5 Н күштің әрекетінен түзусызықты қозғала отырып, 2 с ішінде қандай қашықтыққа орын ауыстырғанын анықтаңдар. 8.32 Массасы 350 кг вагонеткаға әрекет ететін кедергі күші 12 Н. Қандай горизонталь әрекет күш оған 0,15 м/с2 үдеу береді.