Жамбыл облысында көші-қон заңнамасын бұзған 280 адам анықталды

Жамбыл облысында 2 күн ішінде көші-қон заңнамасын бұзған 280 адам анықталды, деп хабарлайды 24KZ. Шетелдік азаматтардың көбі елге жұмыс істеу мақсатымен келген. Бірақ бірінің рұқсат қағазы болмаса, енді бірі төлқұжатын жоғалтқан. Олар аймақта мал бағып, дәмханалар мен құрылыс нысандарында жұмыс істеген. Басым көпшілігі – Өзбекстан, Тәжікстан мен Қырғызстан азаматтары. Ұсталғандардың барлығы әкімшілік жауапкершілікке тартылып, 150-і депортацияланды. Сонымен қатар мигранттарға жұмыс ұсынған 27 адам жауапкершілікке тартылды. #жамбылоблысы #көшіқон #заңнама #Жаңалықтар #ҚазақстанЖаңалықтары #ҚазақстанЖаңалықтары #24KZ #хабар24