Қаламыздың №2 бағыттағы трамвайында Республика күнін мерекелеу аясында "Читающий трамвай" акциясы өтті. Шығыс Қазақстан облыстық балалар және жасөспірімдер кітапханасының қызметкерлері қала тұрғындарын мереке тарихымен, еліміздің негізгі рәміздерімен, әдебиетіміздегі үздік авторлардың шығармаларымен таныстырды. Шарада жолаушылар үшін көтеріңкі көңіл-күй сыйлап, әндер шырқалды. Трамвайда жолаушылар кітапханашылармен бірге Отан туралы өлең оқып, сөзжұмбақтар шешті. Сондай-ақ Республиканың мемлекеттік рәміздерінің маңыздылығы туралы ақпараттармен танысты.
