Бірінші влогымыз Тарғап ауылынан бастадық Тарғап ауылының брендіне айналған бидай көже - " TARGAP KOJE"-нің пайда болуының негізгі себебі. Тарғап көжесі - Алматы облысы, Жамбыл ауданы, Тарғап ауылы тұрғындарының ежелгі кәсібі. 150 жылдан аса тарихы бар, Ұлы жібек жолы қазіргі Алматы- Бішкек тас жолының бойында орналасқан Тарғап ауылында ұлттық сусынымыздан дәм татпаған жолаушы кем де кем. 1970-80 жылдардан бері ауыл әжелері жол бойына тізіле отырып көже, қымыз, құрт - майын жайма базар жасап кәсіп қылған. 90 - жылдардың қиын кезеңінде ауыл тұрғындарын осы бидай көже алып шықты. Сол бидай көже бүгін де ауылымыздың күнкөріс көзіне айналды. Ауылдың аты халық арасында "Көже ауылы" болып та аталып кеткен. Тарғаптың берекесіне айналған бидай көжеміздің адам денсаулығына да пайдасы өте зор.
