Дараагийн хүн төрөлтөн бидний дэргэд байна

‎Ийм нэгэн гайхамшигтай номыг уншлаа. 00:00 Ил ба далд ертөнц ‎06:35 Яаж язгуурыг шингээх вэ? 3 арга бий ‎10:22 Мөнх тэнгэр бол шал өөр ойлголт ‎13:05 Мөнх тэнгэрийн итгэл бишрэл ба бөө мөргөл ялгаатай болох нь ‎16:10 Язгуурын 28 ёс – Монгол хүний сахих зарчим ‎23:11 Дүгнэлт Жанцанбалын Дэнсмаа "Дараагийн хүн төрөлтөн ‎бидний дэргэд байна" ‎2025 он Энэхүү ном нь: ‎1. Монголын язгуур гүн ухааны үнэ цэнийг сануулсан бүтээл Эртний Монголчуудын өв соёл, Чингис хааны гүн ухаан, Мөнхтэнгэрийн ‎хүчин дор зохион байгуулсан төр ёс, засаглалын онолуудыг энэ номд нарийвчлан ‎өгүүлжээ. Монгол хүн бүр язгуураа ойлгож, өвөг дээдсийнхээ хүчийг өөртөө ‎шингээж чадвал ямар их гайхамшгийг бүтээх боломжтойг энэхүү номоос мэдэж ‎болно.‎ ‎2. Монгол хүн бүрийн хувь заяаны үнэ цэнийг тодруулсан нь Энэхүү бүтээл нь Монгол хүн бүрийн онцгой генийг, язгуурын хүчийг ‎танин мэдэх, өөрийгөө олох, улмаар хувь заяагаа зөв замд чиглүүлэх ухааныг өгч ‎байна. Өөрийн язгуураа ойлгоогүй хүн энгийн амьдралаар орших боловч, ‎язгуурын үнэ цэнийг мэдсэн хүн өөрийгөө хөгжүүлж, хувь хүний болоод ‎үндэсний хүчирхэг сэргэлтийг авчирдаг.‎ ‎3. Чингис хааны төрийн бодлогын гүн ухаан Чингис хааны алтан ургийн бодлого, төр засаглалын арга, Мөнхтэнгэрийн ‎хүчин дор Монгол төр хэрхэн зохион байгуулагдаж байсан тухай судалгааны ‎үндэслэлтэйгээр тайлбарласан. Энэ нь өнөөдрийн Монголын төр засаг, үндэсний ‎үзэл санааны сэргэлтэд чухал түлхэц болно.‎ ‎4. Ил ба Далд ертөнцийн уялдаа холбоо Номын хоёрдугаар бүлэгт Ил ба Далд ертөнцийн тухай өгүүлсэн нь ‎Монголчуудын оюун санааны гүн гүнзгий сэтгэмж, ертөнцийг үзэх үзэл ямар ‎ухаалаг байсан талаар онцлон тэмдэглэжээ. Далд ертөнцийг үгүйсгэх бус, ‎түүнийг танин мэдэж, зөв хандах нь хүн төрөлхтний ирээдүйн хөгжилд нөлөөлөх ‎чухал хүчин зүйл гэдгийг уг зохиол илэрхийлж байна.‎ ‎5. Монгол хүн ба шинэ хүн төрөлхтөн Энэхүү номонд Монгол хүний язгуурын мөн чанар нь зөвхөн Монголд бус, ‎хүн төрөлхтөнд чухал үүрэгтэй болохыг өгүүлжээ. Язгуур шингэсэн хүмүүс ‎ирээдүйд шинэ соёл иргэншлийг бүтээх, хүн төрөлхтний хөгжлийн гол чигийг ‎тодорхойлох хувь тавилантай гэдгийг энэхүү бүтээл онцолсон.‎ ‎6. ЯЗГУУРыг шингээх арга, шинэ амьдралын хэв маяг Язгуурын 28 ёсыг сахих, өөрийн бие, хэл, сэтгэл гурвыг ариусгах, зөв ‎дадал хэвшилтэй болохын ач холбогдлыг энэхүү бүтээл тайлбарлажээ. Монгол ‎хүн бүр өөрийгөө хөгжүүлж, Мөнхтэнгэрийн хүчинд ивээгдэж амьдрах нь хувь ‎хүний болоод үндэстний хөгжилд эерэг өөрчлөлт авчирна гэж зохиогч ‎тодорхойлсон.‎ 🔹 Хүн өөрийгөө танин мэдэх, язгуураа сэргээх ‎1️. Мөнхтэнгэр гэдгийг мэдэх – Хүн Тэнгэрийн хүчинд амьдардгийг ойлгох. ‎2️. Мөнхтэнгэрийн хүчинд ивээгддэг гэдгээ мэдэх – Тэнгэрийн хүчийг хүлээн авч, өөртөө ‎шингээх. ‎3️. Чингис хааны дээд язгуурыг мэдэх – Чингис хаан зөвхөн түүхэн удирдагч биш, ‎Мөнхтэнгэрийн элч гэдгийг ухамсарлах. ‎4️. Чингис хааны дээд язгуурын тахилга, тайлгыг мэдэх – Тахилга хийх нь язгуураа сэргээх ‎арга. ‎5️. Мөнхтэнгэрийн элчийн язгуураа мэдэх – Өөрийн язгуур хаанаас ирснийг танин мэдэх. ‎6️. Чингис хааны гүн ухааныг улсын үндэс болохыг мэдэх – Төрийн бодлогын гол цөм нь ‎энэ ухаан байх. ‎7️. Монгол хүн гэдгээ мэдэх, Монгол хүний үнэ цэнээ ойлгох ‎8️. Аав ээжээ ачлан шүтэх ёсоо мэдэх – Эцэг эхээ хүндэтгэж, тэдний заасан замаар явах.‎ ‎9️. Далдыг ил болгох ба язгуурын 7 махбодио таньж мэдэх – Байгалийн хүчийг ойлгож, ‎зохицон амьдрах.‎ ‎10. Эх нутгаа тахин шүтсэнээр өршөөгдөхийг мэдэх – Байгальтайгаа зохицож, эх нутгаа ‎хамгаалах.‎ ‎11. Амилсан 49 хоногоос 3 нас хүртэл "Оюун түлхүүр"-т суралцах ‎12. 3-15 нас болон түүнээс дээш "Шидэт түлхүүр"-т суралцах ‎13. Өрх гэр бүл болох учрыг мэдэх – Гэр бүлийн үнэ цэнийг ойлгож, зөв амьдрах.‎ ‎14. Гайхамшиг бүтээх онолыг мэдэх – Шинэ зүйлсийг бүтээх чадвартай болох. ‎15. Мал аж ахуй, хөдөлмөрийг мэдэх – Монголчуудын аж амьдралын үндсийг ойлгох. ‎16. Цаг тоолол, цагаан сарыг үнэн зөв мэдэх – Монгол уламжлалаа зөв дагаж мөрдөх. ‎17. Эх түүхээ мэдэх – Монголын түүхийг сайтар судлах. ‎18. Язгуурын эх хэл, хэл бичгээ мэдэх ‎19. Язгуурын хүнсийг мэдэх – Эртний монголчуудын хэрэглэж байсан эрүүл хоолыг судлах. ‎20. Язгуурын эрүүл мэндээ сахихыг мэдэх – Байгалийн гаралтай аргаар эрүүл мэндээ ‎хамгаалах. ‎21. Язгуурын Бумбын эринээ мэдэх – Монголын ирээдүйн хөгжлийн талаар ойлголттой ‎байх. ‎22. Шинжлэх ухаанд нэн сайн байх мэргэжлүүдийг мэдэх – Дэлхийн шинжлэх ухааны ‎хөгжилтэй хөл нийлүүлж алхах.‎ ‎23. Нутаглуулах ёс (онголох, оршуулах, нутаглуулах ёс) мэдэх – Уламжлалт зан үйлүүдийг ‎сахих. ‎24. Гайхамшиг бүтээх цогц зарчмуудыг мэдэх – Амжилттай, үр бүтээлтэй ажиллах арга ‎барилаа олох. ‎25. Иргэний нийтийн ёс зүйг мэдэх ‎26. Язгуурын баясал, язгуур урлаг наадмаа мэдэх ‎27. Өрх гэрийг Монгол Улсын аугаа их хүчирхэг үндэс, хувирашгүй уламжлал мөнхийн ‎эрх ашиг болохыг мэдэх ‎28. Дэлхийн шинэ өв бүтээх нээлт, бүтээлүүдийг үнэлэхийг мэдэх #ном #шилдэг #язгуур #мөнхтэнгэр #чингис #бөө #ном #шашин #шүтлэг