IP сыныптар [A,B,C,D,E]

IP-адрес екі бөліктен тұрады: желі нөмірі мен осы желідегі компьютер (хост) нөмірі. A сынып адрестерінде 8 бит желі нөміріне, 24 бит хост нөміріне бөлінген. B сынып адрестерінде 16 бит желі нөміріне, 16 бит хост нөміріне бөлінген. С сынып адрестерінде 24 бит желі нөміріне, 8 бит хост нөміріне бөлінген. Тағы топтық хабар таратуға (мультикастинг) арналған D сыныбы резервте тұр, қазіргі кезде қолданылмайтын Е сыныбы бар. IP-мекенжай (ағылш. Internet Protocol Address) – бір түйіннен екінші түйінге ақпаратты жіберу, алу, табу үшін қажетті бірегей мекенжай. Түйін – желіге қосылу мүмкіндігі бар кез келген құрылғы (ұялы телефон, компьютер, принтер, концентратор, коммутатор, маршрутизатор және т.б.) TCP/IP – интернетпен жұмыс істейтін барлық компьютердің негізгі тілі. Хаттама – деректерді толық әрі қатесіз беру үшін келісілген және бекітілген ережелер. TCP (Transfer Control Protocol) – деректерді тасымалдауды басқару хаттамасы. IP (Internet Protocol) – желілер арасындағы хаттама. HTTP (Hyper Text Transfer Protocol ) – гипермәтінді тасымалдау. FTP (File Transfer Protocol) – файлды тасымалдау. SMTP (Simple Mail Transfer Protocol) – электрондық поштаны жіберу. POP3 (Post Office Protocol Version 3) – электрондық хатты алу. IMAP (Internet Message Access Protocol) – электрондық поштаны алу. Хаттаманың қызметі – сервердегі бір тақырыпқа арналған мәліметтерді блоктарға бөліп, бір бумаға кірістіру және қабылдаушы сервер дұрыс түсінуі үшін оған тақырып атын жіберуші сервер адресі мен файл адресін енгізу.